Logotipo.png
OÑEGUENOHẼ PETEĨ REVISTA JURÍDICA GUARANI JEPORU REHEGUA MINISTERIO PÚBLICO PE
Publicado: 08/22/16 01:33:p. m.

Guarani arapokõindy ñemomorã guasu “Rohayhu che ñe’ẽ. Una semana en lengua guaraní” ryepýpe, ojekaauka ko arakõi ka’arúpe mba’éichapa Centro de Entrenamiento, Ministerio Público guive oñemba’apo kyre’ỹ Léi 4251/10 Ñe’ẽnguéra rehegua iñañete hag̃ua ko temimoĩmbýpe, ha avei guarani oiporu hag̃ua ayvu ha haipýpe, castellano ykére, umi fiscal ha asistente fiscal kuéra.

Umi tembiapo ogueroguatámava ryepýpe oĩ Revista Jurídica oñembyatyhápe guarani jeporu Ministerio Público pe jehapereka; fiscal ha asistente fiscal kuéra pe ñehekombo’e guaraníme; afiche ha ambueve mba’e ñeguenohẽ guarani ha castellano pe.

Paraguái Ñe’ẽnguéra Sãmbyhyhára, Ladislaa Alcaraz de Silvero, omoirũ ko aty ha omomba’e guasu Ministerio Público guive oñembosako’íva are guivéma, guarani ojeporu joja hag̃ua castellano ndive.

Upéichante avei, Fiscal General del Estado, Javier Díaz Verón, he’i tuicha mba’eha mayma mba’apohára oiporukuaa guarani ñe’ẽ, oĩ rupi hetaiteve ñane retãme iguaranínteva, ha umívare oñeñangarekova’erã hekópe Ministerio Público guive.


Compartir esta noticia

Últimas Noticias Publicadas