Logotipo.png
Oñemba’apojoajúta ypykuéra ñe’ẽita imbarete hag̃ua
Publicado: 11/11/21 08:47:a. m.

Paraguái Ñe’ẽnguéra Sãmbyhyha (PÑS) ha Coordinación Nacional de Pastoral Indígena (CONAPI) omboheraguapy ñoñe’ẽme’ẽ ogueroguata hag̃ua joajúpe apopyrãnguéra ikatúva oykeko ha oñemomba’e jey hag̃ua Paraguái ypykuéra ñe’ẽita.

Ko kuatia omboheraguapy ko arapópe PÑS sãmbyhyhára, Ladislaa Alcaraz de Silvero, ha CONAPI moakãhára, pa’i Filemón Torres. Ko aty oiko CONAPI rógape, Paraguay távape.

Ko ñoñe’ẽme’ẽ rupive, mokõive temimoĩmby ogueroguatáta aponde’a ñe’ẽ jehaperekarã ha upéichante avei opaichagua tembiaporã oñeñangareko hag̃ua ypykuéra retã ha arandupy rehe.

Oñeha’ãta avei omombarete tembiapo oñembokatupyry, oñemba’apo, oñemyasãi ha oñemboguata hag̃ua kuaapy ypykuéra ñe’ẽ rehegua ha upéichante avei heko ha ijeikove tekoaty rehegua.


Compartir esta noticia

Últimas Noticias Publicadas