Logotipo.png
Oñembohapéta UAL peguakuéra ndive hembiaporãnguéra
Publicado: 10/21/21 09:24:a. m.

Ko arapópe oñepyrũ ojeykeko ñe’ẽ jepurúpe mayma umi Unidad de Asuntos Lingüísticos (UAL) peguakuérape, oĩva Organismos y Entidades del Estado (OEE) ryepýpe. Ko ñembokatupyry ha jeykeko omoakã Paraguái Ñe’ẽnguéra Sãmbyhyha (PÑS) ha Guarani Ñe’ẽ Rerekuapavẽ; oikóta jepi tembipurupyahu rupive arapo jave 25 jasypateĩ meve.

Ko’ã aty rupive, hi’ã ojeykeko ha oñemombareteve umi peteĩteĩ UAL rembiapo oguatámava heta tetã remimoĩmbýpe, ha péicha tove toñemoañete mbeguekatúpe Léi 4251/10, Ñe’ẽnguéra Rehegua, ko’ýte ñañe’ẽvo guarani jepuru meme, taha’e oñeñe’ẽ térã ojehaikuérvo, castellano ykére, ñe’ẽ teeháicha.

Ko aty ñemoñepyrũ, oikótava jepi tembipurupayhu rupive, omoirũ PÑS sãmbyhyhára, Ladislaa Alcaraz de Silvero; GÑR yta, Carlos Ferreira; Ñe’ẽ Rape’apo moakãharapavẽ PÑS pegua, Celia Godoy, ha PÑS asesor jurídico, Osvaldo Núñez.

Ojehechauka rire maymávape opa umi ojehupytyséva ko’ã jojuhu rupive UAL guakuéra ndive, umi mburuvicha ohesa’ỹijo mba’etépa he’ise guarani jepuru añete OEE guive, taha’e ojehai térã oñeñe’ẽnguévo.


Compartir esta noticia

Últimas Noticias Publicadas