Logotipo.png
Oñembosako’i amandaje ñe’ẽasa, ñe’ẽtekuaa ha ñe’ẽheta rehegua
Publicado: 10/18/21 08:13:a. m.

Arakõi 25 jasypa guive arapoteĩ 29 peve ojepysóta Ñe’ẽasa, Ñe’ẽtekuaa ha Ñe’ẽheta Rehegua Poteĩha Amandaje Oĩtahápe Tetãygua ha Pytaygua “Jaguatávo Ypykuéra Ñe’ẽita Yvy Ape Ári Pa Ary Gotyo”, ombosako’íva Fundación Yvy Marãe’ỹ, ikatútava ojehecha tembipurupyahu rupive ha reieténte.

Ko amandaje rupive hi’ã oñemombarete ha ojepysove pa’ũ ojeipe’ãmava ojejúvo umi ambue ojejapova’ekue rupive, jahechápa mayma ñe’ẽ raperekahára, ñe’ẽasahára, ñe’ẽkuaahára, ñe’ẽ rape’apohára ha ñe’ẽ moherakuãhára ñane retã Paraguái, América Latina ha Europa-gua omoasãi hag̃ua hembiapo ha hembiasakuerakue ñe’ẽ ha arandupyeta rehehápe.

Ohesa’ỹijóta imba’ekuaapy 32 tapicha 15 tatãmegua (Paraguái, Argentina, Brasil, Bolivia, Colombia, Uruguay, Chile, Perú, Ecuador, México, Francia, España, Alemania, Suiza e Italia). Reikuaasevéramo ko amandaje rehegua, ikatu reporandu ko’ãvape: (021) 580-548, (0981) 768-717, (0994) 719-938, o al correo yvymaey@yvymaraey.com.py.


Compartir esta noticia

Últimas Noticias Publicadas