Ypykuéra Ñe’ẽ Ñeñongatu ha Ñemoasãi Moakãhapavẽ, Paraguái Ñe’ẽnguéra Sãmbyhyha (PÑS) pegua mba’apoharakuéra oñombyaty ko araapýpe Boquerón tavusu (Cháko) mburuvicha guasu, Darío Rafael Medina ndive, ikatu hag̃uáicha oñembohape Decenio Internacional de Lenguas Indígenas (DILI, 2022-2032) ñemoñepyrũ Región Occidental-pe, ojejaposéva 7, jasyporundy oúvape.
Ko aty oiko mburuvicha mba’apoha kotýpe, Filadelfia-pe (Chákope). PÑS rérape oĩ Sonia Ávalos, Departamento de Recuperación y Revitalización de Lenguas en Peligro omoakãva, ha Zeneida Quiñónez, mokõivéva Ypykuéra Ñe’ẽ Ñeñongatu ha Ñemoasãi Moakãhapavẽ pegua.
Péicha, oñeñeha’ã oñemba’apo ko Boquerón tavusu peguakuéra mburuvicha ndive oñeguenohẽ hag̃ua Decenio Internacional de Lenguas Indígenas (DILI, 2022-2032), oikótava Centro de Interpretación de Gran Chaco Americano-pe, ha omoirũtava avei ypykuéra heta hekohakuéra aty rérape.
Tetã aty guasu Asamble General de las Naciones Unidas (Apoukapy A/RES/74/135 rupive) he’i pa ary, 2022 guive 2032 peve, ha’eha Decenio Internacional de las Lenguas Indígenas, hi’ãgui ojehechakuaa noĩporãieteha heta ypykuéra ñe’ẽ yvy ape ári ha mba’éichapa ikatu ojeykeko ha oñemba’apo oñemomba’e, oñemoasãi ha oñemombarete jey hag̃ua ko’ã ñe’ẽ.
Ñane retãme, ojegueroguata hag̃ua heta mba’e ojejapokuaáva ko DILI ryepýpe, oñehesa’ỹijóma peteĩ leirã oguerojerátava aty hérava Comisión Nacional de Fortalecimiento, la Promoción y la Valorización de las Lenguas Indígenas en el Paraguay; kóva ryepýpe oĩta umi 19 ypykuéra atyguigua, tetã remimoĩmby ha ipypegua’ỹva, ha ambueve aty omba’apóva ypykuéra ha iñe’ẽnguéra rérape.
Compartir esta noticia
Últimas Noticias Publicadas
schedule
Paraguái Ñe’ẽnguéra Sãmbyhyha oikuaauka ko ára guive oĩha Sãmbyhyhára ramo haihára Alfredo Javier Viveros Martínez. Ko ñemoguahẽ ypy oiko kuri Salón Auditorio Secretaría Nacional de Deportes-pe, oñemboajehápe Tembiapoukapy Ppy 583/2023 Tetã…
Ver más
schedule
Oñemohendávo “Unidades de Asuntos Lingüísticos” Tavao ha Tavusuokuéra ryepýpe oñemboajeháicha tembiapoukapy 6797/17,ojegueroguataporã kuri Ñomoirũ aporeko ha ñe’ẽpykuaa Tavaokuéra Villeta,Luque ha Guarambarépe.
Ver más
schedule
Ñe’ẽnguéra Rape’apo Moakãhapavẽ Paraguái Ñe’ẽnguéra Sãmbyhyha pegua,Instituto Superior de Lenguas UNA ha Ministerio de Salud Publica ha Bienestar Social omohu’ã ko árape Mbo’epy guarani ñe’ẽ rehegua.Ko tembiapo og̃uahẽ 500 mba’apohárape, umíva…
Ver más
schedule
Ypykuéra Ñe’ẽ Ñeñongatu ha Ñemyasãi Myakãha Paraguái Ñe’ẽnguéra Sãmbyhyhapegua kuaaharakuéra, iñe’ẽrysýi hikuái Amandaje Guasu Ñe’ẽporãhaipyre reheguápe.Myakãhára Rossanna Bogado de Orue ha Sonia Avalos, Ypykuéra Ñe’ẽ oguepotáva Ñemoingove ha…
Ver más
schedule
Paraguái Ñe’ẽnguéra Sãmbyhyha (PÑS) oikuave’ẽ reiete mayma omoñe’ẽsemívape mbohapy aranduka tembipurupyahu rupive, ñe’ẽrapereka rehegua oñemohu’ãmava’ekuke Ñe’ẽ Rapereka Moakãhapavẽ, PÑS pegua, guive. Ko’ã aranduka ojejuhúta ojeikéramo ko’ápe:…
Ver más
schedule
Aty ojejapova'ekue pyendavusu Zoom rupive Paraguái Ñe'ẽnguéra Sãmbyhyhára Ladislaa Alcaraz de Silvero, Moakãharakuéra ha mba'apohára Paraguái Ñe'ẽnguéra Sãmbyhyha ha Centro Nacional de Computación UNA-pegua apoharakatukuéra ndive oikuaauka hag̃ua…
Ver más