Logotipo.png
Oñembosako’i II Congreso Paraguayo de Lingüística Aplicada
Publicado: 11/08/21 08:14:a. m.

Ko ararundy 10 guive, arapoteĩ 12 jasypateĩ meve, ojegueroguatáta II Congreso Paraguayo de Lingüística Aplicada (CONPLA) tambipurupyahu rupive ha reiete. Amandaje guasu omono’õtava heta ñe’ẽ rembikuaarekahára, iñarandúva lingüística aplicada-pe, taha’e ñane retã megua térã tetã’ambuegua, ojehechakuaávo ha oñembohapévo heta henda guivo ñe’ẽnguéra rehe ñemba’apo Paraguáipe.

Omoakã Instituto Superior de Lenguas (ISL), Dirección de Investigación de la Facultad de Filosofía de la Universidad Nacional de Asunción (UNA) ndive, ha oipytyvõ Paraguái Ñe’ẽnguéra Sãmbyhyha (PÑS), Guarani Ñe’ẽ Rerekuapavẽ ha heta ambueve temimoĩmby. Iñasãita ojoja ISL Youtube ha Facebook rupive.

Mayma oikesemíva ikatu ojapo reieténte ko’ã tembipurupyahu rupive. Ikatu ojegueroike terakuéra www.conpla.org rupive, ha umi ikuatia’atãséva katu ohepyme’ẽ’imiva’erã. Ikatu avei oñemba’eporanduve congresos.isl@fil.una.py rupive.

Ojeheróvo ko arýpe “Ñe’ẽnguéra kuaave rapére”, ko mokõiha amandaje, CONPLA, ohesa’ỹijóta hetaichagua kuaapy mokõive Paraguái ñe’ẽ tee (guarani ha castellano) rehegua; avei, ypykuéra ha okaraygua ñe’ẽita rehe kuaapykuéra.

Oñepyrũta ko ararudny oúvape, 9:00 aravóramo. Omoakãta PÑS sãmbyhyhára, Ladislaa Alcaraz de Silvero; FF-UNA moakãhára, Ricardo Pavetti; ISL moakãhára, Valentina Canese, ha Investigación FF-UNA pegua moakãhára, Pedro Caballero.

Oñemoñepyrũmba rire, oñehesa’ỹijóta mokõi kuaapy: “La lingüística aplicada en el espacio comunicativo paraguayo de hoy”, oeñ’ẽta hese Delicia Villagra; ha “Aportes de la lingüística a los estudios en las ciencias sociales desde el análisis del discurso”, ohesa’ỹijóta Valentina Canese. Opaite apopyrãnguéra ko’ã mbo’apy ára pegua ikatu ojejuhu ha oñemboguajy ko’águi: II CONPLA apopyrãnguéra.

Upe arapoteĩ ohasava’ekue peve, oĩma kuri 17 tapicha arandu, tetã megua ha pytagua, ohesa’ỹijótava kuaapy; 150 rasa arandu ñehesa’ỹijo, ha 370 tapicháma oike ko amandajerame.


Compartir esta noticia

Últimas Noticias Publicadas