Logotipo.png
Oñombyaty Subcomisión de Información, Comunicación y Lengua de Señas peguakuéra
Publicado: 04/21/22 08:51:a. m.

Ko arapópe oñombyaty peteĩha jey ko 2022 arýpe umi Subcomisión de Información, Comunicación y Lengua de Señas, Comisión Nacional por los Derechos Humanos de las Personas con Discapacidad (Conadis) pegua, ryepypeguakuéra ogueroguatave hag̃ua opa mba’e ojejapómava ojejúvo ko aty guive oñeñagarekopaite hag̃ua mayma ñe’ẽ derécho rehe, ko’ýte umi ikatupyry ambuéva mba’e rehe.

Ko aty, oikóva tembipurupyahu rupive, omoakã Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero, oisãmbyhýva avei ko Conadis ryepypegua aty.

Ko aty rupive ojekuaauka mba’emba’épa ojejapose ko aty’i rupive 2022 ary pukukuépe; avei, opa umi mba’e oñemongu’éva ha ojejapóva oñembohapévo oñemoañete hag̃ua Léi 6530/20 “Que otorga el reconocimiento oficial a la lengua de señas paraguaya (LSPy)”, ha opa mba’e joajúpe oñemongu’eséva ko aty’i rembiapotee rehehápe.

Kóva ryepýpe, Iñe’ẽngúva Ñe’ẽ Moakãharapavẽ, PÑS pegua, Celia Godoy, omombe’u umi ojejapóva ojejúvo oñembohape hag̃ua Leí 6530/20 ñemoañete ha opa umi ikatuvéva ojejapo ko moakãhapavẽ guive. Avei, PÑS asesor jurídico, Osvaldo Núñez, omombe’u leikuéra apytépepa mba’emba’e ojejapo ha mba’emba’épa tekotevẽ ojejapo ojeguaroguatávo tembiapokuéra ko aty’i guive.

Ko atýpe maymáva oñe’ẽ, omombe’u hemiandu, hemimo’ã, hembijehechakuaapy, taha’e Estado rérape oĩva térã tapicha aty rerapegua, oikéva ko Subcomisión de Información, Comunicación y Lengua de Señas ryepýpe.


Compartir esta noticia

Últimas Noticias Publicadas