Aty ojejapova'ekue pyendavusu Zoom rupive Paraguái Ñe'ẽnguéra Sãmbyhyhára Ladislaa Alcaraz de Silvero, Moakãharakuéra ha mba'apohára Paraguái Ñe'ẽnguéra Sãmbyhyha ha Centro Nacional de Computación UNA-pegua apoharakatukuéra ndive oikuaauka hag̃ua hikuái apopyrã " guarani jegueroike dominio.py ryepýpe".
Martha Fretes de Carballo omyakãva NIC.Py Centro Nacional de Computación UNA-pegua omombe'u tembiapo ojejapóva hína aty CNC ryepýpe ha ohecha hikuái ambue tetã rembiapo ha mba'éichapa tetãnguéra ogueroike ijypykuéra ñe'ẽ tembipuru pyahu ryepýpe.
He'i avei oñepyrũramoha upe tembiapo, umi usuario héra guarania ndive ikatútaca omoterarenda dominios.py tekopy teete guarani ñe'ẽ rehegua.
Ko tembiapo oñemoñepyrũva omotenonde ha oñangareko guarani ñe'ẽteeramo.
Ko apopyrã ryepýpe ojegueroikéta 15 caracteres dominio.py ryepýpe ojehecha'aguĩva hína dominio ha'eva guarani ñe'ẽ rehegua.
Ko mba'e rupive ikatúta usuariokuéra oipuru guarani ñe'ẽ ha'evéva ñanduti veve ryepýpe arandupyete ha jehai hekopetépe.
"Ñe'ẽresãi arapýpe,ojehecha'ỹre tembipuru pyahu jepuru ndaikatumo'ãvéima ñe'ẽnguéra oiko areve haguã" he'i Ladislaa Alcaraz de Silvero Paraguái Ñe'ẽnguéra Sãmbyhyhára,aty pyendavusúpe.
Ñe'ẽ ningo oikovéta iñasãiramo opavavẽ tenda rupi, he'i avei guarani jepurúre ñanduti veve ryepýpe.
Ko tembiapo ojejapóva avei ambue tetãnguéra ndíve oñeñangareko hag̃ua ypykuéra ñe'ẽ ha oñemombareteve hag̃ua ñe'ẽnguéra joparaeta tembipuru pyahu ryepýpe.
Paraguái Ñe'ẽnguéra Sãmbyhyha omba'apo joajúta CNC ndive ha temimoĩmbykuéra ñane retãmegua ndive avei ikatu hag̃uáicha oñemombarete ha ojepuru hekopete guarani ñe'ẽ ava'atýpe.
Oñeha'arõ ko tembiapo rupive ojepuru porãve guarani ñe'ẽ tembipuru pyahu ryepýpe ha upéicha toñemomba'e,toñemyasãi,ha itaju jaguerekóva ñane retãme tomimby arapýre tembipuru pyahu ryepýpe.
Compartir esta noticia
Últimas Noticias Publicadas
schedule
Paraguái Ñe’ẽnguéra Sãmbyhyha oikuaauka ko ára guive oĩha Sãmbyhyhára ramo haihára Alfredo Javier Viveros Martínez. Ko ñemoguahẽ ypy oiko kuri Salón Auditorio Secretaría Nacional de Deportes-pe, oñemboajehápe Tembiapoukapy Ppy 583/2023 Tetã…
Ver más
schedule
Oñemohendávo “Unidades de Asuntos Lingüísticos” Tavao ha Tavusuokuéra ryepýpe oñemboajeháicha tembiapoukapy 6797/17,ojegueroguataporã kuri Ñomoirũ aporeko ha ñe’ẽpykuaa Tavaokuéra Villeta,Luque ha Guarambarépe.
Ver más
schedule
Ñe’ẽnguéra Rape’apo Moakãhapavẽ Paraguái Ñe’ẽnguéra Sãmbyhyha pegua,Instituto Superior de Lenguas UNA ha Ministerio de Salud Publica ha Bienestar Social omohu’ã ko árape Mbo’epy guarani ñe’ẽ rehegua.Ko tembiapo og̃uahẽ 500 mba’apohárape, umíva…
Ver más
schedule
Ypykuéra Ñe’ẽ Ñeñongatu ha Ñemyasãi Myakãha Paraguái Ñe’ẽnguéra Sãmbyhyhapegua kuaaharakuéra, iñe’ẽrysýi hikuái Amandaje Guasu Ñe’ẽporãhaipyre reheguápe.Myakãhára Rossanna Bogado de Orue ha Sonia Avalos, Ypykuéra Ñe’ẽ oguepotáva Ñemoingove ha…
Ver más
schedule
Paraguái Ñe’ẽnguéra Sãmbyhyha (PÑS) oikuave’ẽ reiete mayma omoñe’ẽsemívape mbohapy aranduka tembipurupyahu rupive, ñe’ẽrapereka rehegua oñemohu’ãmava’ekuke Ñe’ẽ Rapereka Moakãhapavẽ, PÑS pegua, guive. Ko’ã aranduka ojejuhúta ojeikéramo ko’ápe:…
Ver más schedule
Aty ojejapova'ekue pyendavusu Zoom rupive Paraguái Ñe'ẽnguéra Sãmbyhyhára Ladislaa Alcaraz de Silvero, Moakãharakuéra ha mba'apohára Paraguái Ñe'ẽnguéra Sãmbyhyha ha Centro Nacional de Computación UNA-pegua apoharakatukuéra ndive oikuaauka hag̃ua…
Ver más