Logotipo.png
​Peteĩ aty guasúpe oñemombe’u heta mba’e ojapóva Paraguái ypykuéra rehehápe
Publicado: 04/27/21 11:44:a. m.

Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero, omoirũ Paraguái rérape aty guasu peteĩ oñeisãmbyhýva Bolivia retã guive. Oñe’ẽ heta mba’e porã ojapóvare Paraguái opa umi ypykuéra rehehápa, iñe’ẽnguéra ñemombarete jey ojejapóva temimoĩmby ha’e oisãmbyhýva guive, ha heta ambueve mba’e.

Ko aty, oikova’ekue tembipurupyahu rupive, omoakã Fondo para el Desarrollo de los Pueblos Indígenas de América Latina y el Caribe (Filac), Gobierno del Estado Plurinacionalidad de Bolivia ha Fondo de las Naciones Unidas para la Infancia (Unicef). Ojejapo 20ª Sesión del Foro Permanente para las cuestiones Indígenas “Hacia el Decenio de las Lenguas Indígenas para la construcción de la Paz y Reconciliación” ryepýpe.

Po mba’e rehe oñe’ẽ sãmbyhyhára: turismo ypykuéra rekohápe, tembiapojegua jehechauka Ore, tesãirã, momarandu ha ñe’ẽ rehe ñemba’apo.

“El Programa Nacional de Turismo, con participación de los pueblos, autoridades nacionales, departamentales y locales, promueve experiencia y destinos turísticos en comunidades indígenas, que permiten dar a conocer a turistas locales y extranjeros los valores culturales, forma de vida, manejo ambiental, costumbres, producción artesanal, actividades recreativas y aspectos históricos de los pueblos y comunidades involucradas”, he’i sãmbyhyhára.

Avei, omombe’u mba’e porã ojehupytýva tembiapojegua Ore, ogueroguatáva IPA rupive. Upépe umi ypykuéra ohechauka opa umi hembiapo jegu ha ombohéra iñe’ẽ teepekuéra. Ojehechauka avei ta’angamýi oñe’ẽhape hikuái iñe’ẽme omombe’ukuéra mba’éichapa ojapo opa umi hembiapojegua.

Sãmbyhyhára he’i Paraguáipe oñeñeha’ãha opa umi ypykuéra rehe oñeñangarekóvo hesãi hag̃ua ha avei ojehechakuaa, oñemomba’e ha oñemombarete hag̃ua imba’ejeroviapykuéra tesãi rehegua.

Ohe’i oñemba’apoha oñemoasãivo marandu ypykuéra ñe’ẽme ha ypykuéra ñepytyvõme, taha’e ijehai térã iñemboayvu ha iñemoñe’ẽasápe. Avei, oñepytyvõ chupekuéra akóinte ñemomarandurãme.

Iñe’ẽnguéra rehe oñemba’apo avei Paraguái guive, ojeykeko chupekuéra iñasãi, oikove ha ojepurúvo iñe’ẽnguéra. Ko’ãvarã, ojegueroguata hendivekuéra umi apopyrã jahechápa naimbaretevéi ko’ẽ rei rehe iñe’ẽnguéra, ko’ýte umi ikangy térã oguepotáva.


Compartir esta noticia

Últimas Noticias Publicadas