Paraguái Ñe’ẽnguéra Sãmbyhyha (PÑS) ha Tetã Rekombo’epavẽ Kuaara’ã ha Ñemboaje Renda (Agencia Nacional de Evaluación y Acreditación de la Educación Superior - Aneaes) omboheraguapy ñoñe’ẽme’ẽ omba’apo joaju hag̃ua opa umi hembiapoteépe mokõivéva.
Ko ñoñe’ẽme’ẽ rupive, PÑS ha Aneaes Renda omoneĩ omba’apotaha ñomoirũme ombohapévo umi tetãmegua apopyrãnguéra jekuaara’ã ha kuatiakuéra ñemboajerã.
Avei, tembiapo joaju mbarete tetã arandupy akãrapu’ãverã; avei tembiporu pyahukuéra ha maymave aporeko pyahu ñemombarete ha ijeporu hekopete, ombohasakuévo ojupe marandu, tembiasaita, aranduka, maranduita ñembyatypy ha hetave tembiapo ikatútava mokõive temimoĩmby omboguata oñondive.
Upéichante avei, ojoykeko ombokatupyry ha omoaranduve hag̃ua mba’apoharakuérape jekuaara’ã ha kuatia ñemboaje Tekombo’epavẽ rembiapotee reheguápe.
PÑS sãmbyhyhára, Ladislaa Alcaraz de Silvero, ha Aneaes moakãhára, Dina Matiauda Sarubi, omboheraguapy ko kuatia; aty oiko ko arapópe ko Aneaes rógape, Paraguaýpe.
Compartir esta noticia
Últimas Noticias Publicadas
schedule
Paraguái Ñe’ẽnguéra Sãmbyhyha oikuaauka ko ára guive oĩha Sãmbyhyhára ramo haihára Alfredo Javier Viveros Martínez. Ko ñemoguahẽ ypy oiko kuri Salón Auditorio Secretaría Nacional de Deportes-pe, oñemboajehápe Tembiapoukapy Ppy 583/2023 Tetã…
Ver más
schedule
Oñemohendávo “Unidades de Asuntos Lingüísticos” Tavao ha Tavusuokuéra ryepýpe oñemboajeháicha tembiapoukapy 6797/17,ojegueroguataporã kuri Ñomoirũ aporeko ha ñe’ẽpykuaa Tavaokuéra Villeta,Luque ha Guarambarépe.
Ver más
schedule
Ñe’ẽnguéra Rape’apo Moakãhapavẽ Paraguái Ñe’ẽnguéra Sãmbyhyha pegua,Instituto Superior de Lenguas UNA ha Ministerio de Salud Publica ha Bienestar Social omohu’ã ko árape Mbo’epy guarani ñe’ẽ rehegua.Ko tembiapo og̃uahẽ 500 mba’apohárape, umíva…
Ver más
schedule
Ypykuéra Ñe’ẽ Ñeñongatu ha Ñemyasãi Myakãha Paraguái Ñe’ẽnguéra Sãmbyhyhapegua kuaaharakuéra, iñe’ẽrysýi hikuái Amandaje Guasu Ñe’ẽporãhaipyre reheguápe.Myakãhára Rossanna Bogado de Orue ha Sonia Avalos, Ypykuéra Ñe’ẽ oguepotáva Ñemoingove ha…
Ver más
schedule
Paraguái Ñe’ẽnguéra Sãmbyhyha (PÑS) oikuave’ẽ reiete mayma omoñe’ẽsemívape mbohapy aranduka tembipurupyahu rupive, ñe’ẽrapereka rehegua oñemohu’ãmava’ekuke Ñe’ẽ Rapereka Moakãhapavẽ, PÑS pegua, guive. Ko’ã aranduka ojejuhúta ojeikéramo ko’ápe:…
Ver más
schedule
Aty ojejapova'ekue pyendavusu Zoom rupive Paraguái Ñe'ẽnguéra Sãmbyhyhára Ladislaa Alcaraz de Silvero, Moakãharakuéra ha mba'apohára Paraguái Ñe'ẽnguéra Sãmbyhyha ha Centro Nacional de Computación UNA-pegua apoharakatukuéra ndive oikuaauka hag̃ua…
Ver más