Logotipo.png
PÑS HA INDI JOAJÚPE OMBA’APÓTA INDÍGENA KUÉRA ÑE’Ẽ HA ARANDUPY REHE
Publicado: 07/22/16 02:29:p. m.

Paraguái Ñe’ẽnguéra Sãmbyhyha (PÑS) ha Instituto Paraguayo del Indígena (INDI) oñomoñe’ẽ peteĩ ko arapoteĩme ha omba’apóta joajúpe indígena ñe’ẽnguéra ha arandupykuéra ñeñongatu, ñomombarete ha ñemoasãi rehe. Omoañete kuatiápe ko ñe’ẽme, karai Aldo Zaldívar, INDI Moakãhára, ha kuñakarai Ladislaa Alcaraz de Silvero, Paraguái Ñe’ẽnguéra Sãmbyhyhára.

Ko tembiapo joaju rupive oñeñongatu, oñemombarete ha oñemoasãise opa indígena Paraguái pegua ñe’ẽ ha arandupy.

PÑS Sãmbyhyhára omomba’e guasu ko tembiapo joaju INDI ndive, ha oromandu’a oñeg̃uahẽ jave indígena umíva rendápe oñemba’apose iñe’ẽnguéra rehe, ojejuhu heta ambue temikotevẽ itenondevéva iñe’ẽnguéragui, ha upévare tuicha mba’e Estado guive oñeg̃uahẽ ramo hendapekuéra joajúpe heta temimoĩmby.

INDI Moakãhára he’i jepémo oime noñemomba’epái gueteri hekoitépe PÑS rembiapo indígena kuéra ñe’ẽ rérape; og̃uahẽta ára ñane retã ha yvy ape tuichakue voi ohechakuaávo tuicha mba’eha ko tembiapo.

Upéi he’i INDI oguerojerataha peteĩ Dirección de Cultura ha upe guive oñemba’apo kyre’ỹta avei PÑS ndive oñemoasãivo indígena kuéra oikóva Paraguáipe ñe’ẽ ha iñarandupy.

Compartir esta noticia

Últimas Noticias Publicadas