Logotipo.png
PÑS ha Kuñanguéra Ykeko Motenondeha omba’apo joajúta
Publicado: 09/13/22 11:49:a. m.

Paraguái Ñe’ẽnguéra Sãmbyhyha (PÑS) ha Kuñanguéra Ykeko Motenondeha omboheraguapy ñoñe’ẽme’ẽ ko araapýpe ha he’i ojupe péicha ogueroguataseha apopyrãnguéra omoañetekuaáva mokõive tetã remimoĩmby rembiaporã tee. Ko kuatia omboheraguapy PÑS ha Kuña Ykeko Motenondehára, Ladislaa Alcaraz de Silvero ha Celina Lezcano.

Ko ñoñe’ẽme’ẽ rupive ojegueroguatáta apopyrãnguéra oykekokuaátava kuñanguéra heta henda rupi guápe, oñeñangareko ha oñemomba’évo iñe’ẽ teekuéra derécho.

“Kuñanguéra jajo’ykekova’erã, ñañopytyvõva’erã ñane rembiapohápe. Ko ñane ñe’ẽ guaraníme hetaiterei kuña gueteri oikove ñane retãme. Guaraníme he’i oñandúva. Guaraníme he’i oikotevẽva. Guaraníme he’i oikuaaáva. Ha upéva ñande ndaikatúi jahechagi”, he’i sãmbyhyhára Ladislaa omboheraguapypa rire hikuái kuatia.

“La mujer es la principal transmisora de la lengua. Entonces, hay un rol muy importante que cumple la mujer. La lengua atraviesa todas las áreas de interacción, por esa razón, hagamos lo que hagamos, la lengua va a estar presente”, ombojo’a omomba’ekuévo ñe’ẽ rehe ñeñangareko Estado guive ñamba’apóramo.

Upéichante avei, Celina Lezcano oaguyjeme’ẽ PÑS-pe oñeha’ã rehe oykeko ko tetã remimoĩmby omba’apóva kuñanguéra reheháp, ohecharamo avei omoirũta rehe apopyrãnguéra ombojeroviátava kuñanguéra ñe’ẽ derécho, taha’e jepe guaraniu, ypykuéra ñe’ẽ, iñe’ẽngúva ñe’ẽ, ha ambueve.

PÑS guive omoirũ avei ko aty Celeste Fleitas Guirland, Ñe’ẽ Rapereka moakãharapavẽ; Celia Beatriz Godoy, Ñe’ẽ Rape’apo moakãharapavẽ; Raúl Felipe Galeano Jiménez, Tecnologías de la Información y Comunicación moakãhára, ha Saturnina Díaz Molinas, Departamento de Relaciones Interinstitucionales moakãhára.

MinMujer rérape katu oĩ avei Lilian Lilian Fouz, viceministra de Igualdad y No Discriminación; Viviana Mendieta, Cooperación y Relaciones Interinstitucionales moakãharavaveẽ; Mirtha Gómez, Gabinete moakãharapavẽ, ha Mónica Vargas, jefa de Empoderamiento Económico.

Compartir esta noticia

Últimas Noticias Publicadas