Logotipo.png
PÑS ha PYÑ omba’apojoajuvéta ohóvo oipytyvõ hag̃ua ypykuérape
Publicado: 03/14/22 09:41:a. m.

Paraguái Ñe’ẽnguéra Sãmbyhyha (PÑS) ha Paraguái Ypykuéra Ñangarekoha (PYÑ) oñoñe’ẽme’ẽ ko arakõime omba’apo hagua joajúpe ypykuéra rehehápe, ohechakuaágui ko’ã temimoĩmby tuichaite mba’eha ko’ã ñande rapicha remikotevẽmby ha mba’éichapa ikatu oñeipytyvõ chupekuéra, hembiapoteekuéra rupive.

Omba’apojoajuseha he’i ojupe ko’ã temimoĩmby kuatia ñemboheraguapy rupive, kóva omoakã PÑS sãmbyhyhára, Ladislaa Alcaraz de Silvero, ha PYÑ moakãhára, Omar Alexander Pico Insfrán.

Ko kuatia ñemboheraguapyhápe, PYÑ moakãhára he’i, guaraníme, oykekoseha PÑS rembiapotee, oykekóva Paraguái ñe’ẽnguérape. “Ñane ñe’ẽnguéra ani hag̃ua ogue, itanimbu, ñamba’apova’erã, heta mba’e jajapova’erã, ha ñañepyrũva’erã ikatu hag̃uáicha ñamohu’ã”, he’i.

PÑS sãmbyhyhára katu omomba’eguasu PYÑ aréma voi oipytyvõ rehe oúvo chupekuéra. “Ya hemos encaminado algunos logros de manera conjunta con el INDI, llegando a las comunidades indígenas, especialmente a las más carenciadas”, he’i castellano-pe sãmbyhyhára.

“Hi’ã mayma ñane retãyguakuérape hesakã miẽ mba’épa he’ise ñande ypykuéra rekove, mba’épa he’ise iñe’ẽnguéra, mba’érepa nahi’ãi, ikusugue, ogue ohóvo ñandehegui ñane ñe’ẽnguéra Paraguáipe”, he’i guaraníme sãmbyhyhára.

Kuatia oñemboheraguapy mboyve, mburuvichakuéra oñombyaty ha oñomongeta hikuái mba’emba’e ha mba’eichaitépa ogueroguatakuaa PÑS ha PYÑ umi mba’e ojejaposéva joajúpe, ojeykekopotávo ypykuérape.

Ko atýpe oĩ avei PÑS guive Rossana Bogado, Ypykuéra Ñe’ẽ Ñeñongatu ha Ñemoasãi moakãharapavẽ, ha Clarita Machado, PYÑ pegua Planificación moakãhára.


Compartir esta noticia

Últimas Noticias Publicadas