Logotipo.png
​PÑS oguereko Ñe’ẽrapereka moakãharapevẽ pyahu
Publicado: 04/04/22 10:47:a. m.


Ko arakõi guive omba’apo ñepyrũ Paraguái Ñe’ẽnguéra Sãmbyhyha (PÑS) Ñe’ẽrapereka moakãharapavẽ pyahu, Celeste Fleitas Guirland, iñarandúva tekombo’épe ha castellano ñe’ẽme. Avei, omba’apo ñepyrũma PÑS Departamento de Contabilidad motenondehára pyahúramo, Darío Leguizamón, contador oñembokatupyrypyréva ha hetáma omba’apóva administración-pe.

PÑS sãmbyhyhára, Ladislaa Alcaraz de Silvero, ha umi moakãhára imba’apo’irũnguéra omomaitei ñepyrũ ko’ã mokõive mba’apohára pyahúpe; ojekuaauka avei chupekuéra ko temimoĩmby rekove, rembiapo ha rembipota.

Moakãharapavẽ Celeste Fleitas-pe ojeporavo Apouka Ppy. 6780/2022 rupive, ha omoakãta tembiapo Léi 4251/10, Ñe’ẽnguéra Reheguápe he’iháicha, “ohapojo’o ha oipyguarava’erã mayma ñe’ẽ Paraguáipe ojeporúva, oguerojerávo tembikuaa pyahu oñemomba’ekuaátava ñe’ẽ jehape’apópe”.

Oñemomaitei rory rire chupekuéra, moakãhára pyahu oaguyjeme’ẽ sãmbyhyhárape ojeroviáre hese ha he’i castellano-me: “Asumo con mucha responsabilidad y desafío el cargo. Vengo para trabajar en el área lingüística, que es mi especialidad, para dar continuidad al proceso”.

Ha Darío Leguizamón jeroike PÑS omoneĩ Apoukapy Ppy. 6846/2022, oĩva Departamento de Contabilidad motenondeháraramo, oĩva Dirección de Administración y Finanzas ryepýpe. “Vengo a trabajar, a aportar lo mío; lo que yo sé quiero aportar a la secretaría”, he’i Darío Leguizamón oñemomaitei rory rire ijeju PÑSpe.

Celeste Fleitas Guirland niko doctora Educación-pe, magíster Ciencias del Lenguaje-pe, abogada ha licenciada Letras-pe, oñemoarandu avei posgrado filogía, ñe’ẽ, ñe’ẽnguéra rehe ñemba’apópe, tekombo’epýpe, ha ambueve. Hetairei hendárupima omba’apo, taha’e tekombo’e térã ñe’ẽ rehe, ko’ýte mbo’eháraramo mbo’ehaovusúpe. Heta aranduka ha kuaapýma avei oguenohẽ ha’eño ha ambueve ndive.

Darío Leguizamón ojepo posgrado Auditoría de Control y Gestión-pe, posgrado Didáctica Universitaria-pe, maestría Ciencias de la Educación Artística-pe ha licenciatura Contabilidad-pe. Omoakãpyre Administración y Finanzas, Instituto Superior de Bellas Artes (ISBA)-pe.




Compartir esta noticia

Últimas Noticias Publicadas