Logotipo.png
PÑS OHECHAKUAA HA OMBOJOPÓITA HETA GUARANI RAYHUHÁRA HA OMOHERAKUÃVA IJEPORÚPE
Publicado: 08/24/16 09:14:a. m.

Guarani ñe’ẽ arapokõindy ñemomorã guasu “Rohayhu che ñe’ẽ” ryepýpe, Paraguái Ñe’ẽnguéra Sãmbyhyha (PÑS) ohechakuaa ha ombojopóite heta tapicha, momaranduha, Estado mba’apohára ha temimoĩmbykuéra iguarani rayhúva ha omoherakuãva akóinte ijeporu. Tetã Mburuvichavetéramo oĩva ko’ág̃a, karai Juan Afara, ombohasáta ko jopói ha jehechakuaa.

Ta'anga: ip Paraguay mba'e.

Ko aty guasu, ojehechakuaatahápe guarani oiporúva akóinte ha omoasãiva ijeporu, oikóta ko arapo 25 jasypoapýpe, 10:00 aravo ramo, guarani ñe’ẽ ára ojegueromandu’ávo avei. Oikóta Salón Hotel “Deportista Róga” pe, Tetã Ñoa’angatu Sãmbyhyha rógape, opytáva Avda. Eusebio Ayala km 4,5 táva Paraguaýpe.

Guarani ñe’ẽ jeporu meme mamo hendápe ha opa mba’erãhína opavavete rembiapo, upévare Paraguái Ñe’ẽnguéra Sãmbyhyha ohechakuaa ha omomba’e umi oñepia’ãvape akóinte oiporu ha omoasãiva ijeporu upe oĩha guive. PÑS ohechakuaa avei hetaiteve Paraguaiguápe og̃uahẽva’erã ko jehechakuaa ha he’i okakuaataha ohóvo tapicha ha temimoĩmby rerakuéra ojehechakuaátava.

Mayma ojehechakuaa ha oñembojopóiva ko arýpe:

-Ámbito artístico (Carlitos Vera y Quemil Yambay); -Medios televisivos de comunicación (Ninfa Ayala, Emilce Báez Cristaldo, Viviana Insfrán, María Fátima Silvero, Amancio Ruíz Díaz, Emiliano Miranda, Lucio Ruíz Díaz, Carlos Rubén Ojeda, Miguel Ángel Fernández, Élida Ramírez, Juan Cancio Barreto); -Ámbito Académico-Docencia (María Elvira Martínez de Campos, David Abdón Galeano Olivera, Lino Trinidad Sanabria) –Institución de Educación Superior (Universidad Nacional de Itapúa, Facultad de Derecho y Ciencias Sociales “UNA”, Facultad de Derecho de la Universidad Tecnológica Intercontinental “UTIC”); -Instituciones públicas (Secretaría de Acción Social, Ministerio Público); -Servidores públicos (Pablino Gómez Vera, Nancy Elizabeth Ovelar de Gorostiaga); -Ámbito deportivo (Darío Lezcano); -Medio escrito de comunicación (Departamento Educativo de ABC Color).

Compartir esta noticia

Últimas Noticias Publicadas