Logotipo.png
PÑS omba’apo manjui ñe’ẽ ñeñongatu rehe
Publicado: 08/04/22 06:37:a. m.

Mokõi Paraguái Ñe’ẽnguéra Sãmbyhyha (PÑS) mba’apohára oje’ói ypykuéra Manjui aty rendápe, Chákope, omba’apóvo hendivekuéra iñe’ẽ teekuéra ñeñongatu ta’agamýi rupive rehe, péva apytépe hembi’u teekuéra apopy, omombe’úva ha’ekueraite voi iñe’ẽ teekuérape, manjui ñe’ẽme.

Sonia Ávalos ha Zeneida Quiñónez, Ypykuéra Ñe’ẽ Ñeñongatu ha Ñemoasãi, PÑS pegua, omba’apókuri ypykuéra ndive, oĩva ko’ã tekoha atýpe: San Eugenio, San Agustín de Pedro P. Peña, Santa Rosa, Wonta ha Abizai, oĩva Mariscal Estigarriba-pe, Boquerón, Chákope.

Ko Manjui aty rembi’ukuéra apo rehegua ñeñongatu ta’angamýi rupive iñe’ẽ teepekuéra oike opa umi tembiapo ojegueroguatáva ojejúvo ojeykeko ha oñeñongatu hag̃ua ko ypykuéra ñe’ẽ, ikangy ha ikatúva ogue.

PÑS, peteĩ ñe’ẽme umi ypykuéra ndive ha Consejo Nacional de Ciencia y Tecnología (Conacyt) ñepytyvõme, omoañetéma apopyrã hérava “Rescate lingüístico del pueblo Lumnanas-Manjui”, kóva ryepýpe ojejapo Diagnóstico Sociolingüístico del Pueblo Manjui, Diccionario Bilingüe Castellano-Manjui ha Documental Manjui.

Ypykuéra aty Lumnanas – Manjui oĩ ñe’ẽrapo aty Mataco – Mataguayo ryepýpe, Maká ha Nivaclé ndive, ojoajúva ko ñe’ẽrapo rupive. Iñe’ẽ teekuéraikangy ha ikatu omano sa’ietereíguima oipurúva.


Compartir esta noticia

Últimas Noticias Publicadas