Logotipo.png
​PÑS omoirũ Guarani Aty Amandaje Peteĩha
Publicado: 08/01/22 05:10:a. m.

Ko arapokõi, 30, ha arateĩ, 31, ko jasypokõime, oikókuri Centro de Interpretación del Gran Chaco Americano-me Guarani Aty Amandaje Peteĩha, Chákope. Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero, omoirũ avei ko aty, heta ambue mburuvicháicha.

Omombaretesevégui Guarani aty ha heko tee, Organización del Pueblo Guaraní – OPG ha Dirección del Área de Educación del Pueblo Guaraní, Consejo de Pueblos Indígenas del Chaco Paraguayo - CDPI Chaco ñepytyvõme, ojapo ko Guarani Aty Amandaje Peteĩha.

Opávo ko aty, imoakãharakuéra ome’ẽ PÑS sãmbyhyhárape peteĩ kuatia he’ihápe opa umi ohecha ha oñanduva’ekue hikuái ko atýpe. Ko kuatia rupive omba’ejerure hikuái heta tetã remimoĩmbýpe, ãva apytépe oĩ avei PÑS ha hembiapo tee, ypykuéra ñe’ẽ tee rehehápe.

OPG moakãhára, Orlando Gómez, he’i ko atýpe oĩhague 150 raha tapicha guarani, Región Occidental, ñane retã megua, ha Bolivia-gua avei.

“Estuvieron líderes de 14 comunidades guaraníes, tratando varios temas, pero el más resaltante fue la definición de la identidad de nuestro pueblo, para ya no diferenciarnos entre Guaraní guarayos, Guaraní occidental, etc., sino todos ser identificados como un solo pueblo Guaraní”, omombe’u karai Orlando.

Ko aty guasu oñehesa’ỹijo Ypykuéra Aty Ára Yvy Ape Ári ryepýpe, ojegueromandu’áva 9 jasypoapýpe, ha ohenói avei hikuái kóicha: “Garantizar la unidad del pueblo Guaraní y por consecuencia la unidad de las comunidades”.

Sãmbyhyhára Ladislaa omoirũ chupekuéra arateĩ pukukuépe ha oho hendive PÑS guive Matías Medina, omba’apóva Ypykuéra Ñe’ẽ Ñeñongatu ha Ñemoasãi Moakãhapavẽ.

Compartir esta noticia

Últimas Noticias Publicadas