Ñeʼẽ Rapeʼapo Moakãhapavẽ, Paraguái Ñeʼẽnguéra Sãmbyhyha (PÑS) guive, mbaʼapoharakuéra oipytyvõ ko araapýpe ñeʼẽ jepurúpe mboʼehaovusu Universidad Nacional de Canindeyú (Uncan) mburuvicha ha mbaʼapoharakuérape. Péicha oñeñeha’ã oñemombarete opa mba’e ojejapóva ojejúvo ko mbo’ehaovusu guive Léi 4251/10, Ñe’ẽnguéra Rehegua, ñemoañete rehehápe, ko’ýte guarani jepuru añetépe, ojehai ha oñeñe’enguévo.
Kóva ojejapo mokõiha oñeñembojávo péicha PÑS guive Unidad de Asuntos Lingüísticos (UAL) peguakuéra rendápe, ojeykekóvo hembiapokuéra, oñemoañetepotávo Léi Ñeʼẽnguéra Rehegua, koʼýte guarani jepuru meme tetã ñe’ẽ teeháicha, castellano ykére.
Avei, ko atýpe ojehechauka ko mbo’ehaovusu mburuvichakuérape mba’éichpa oñemoneĩ ojejúvo ñe’ẽryru guaraníme mbu’ehaovusu rehe, PÑS rembiapo ha tuicha oipytyvõtava vokoiete ko’ã temimoĩmby oporohekombo’évape.
Omoakãva Departamento de Promoción y Protección de la Diversidad Lingüística, Rossana Arias; Departamento de Gestión de Políticas Lingüísticas, Christian Ojeda, ha pytyvõhára Karin Mendoza, PÑS rérape, ojeʼói ko araapýpe Salto del Guairá (Canindeyú) távape ombaʼapóvo.
Omog̃uahẽ chupekuéra omoakãmbáva Unican, Mariano Pacher; Arístides Britos Cano, Facultad de Ciencias Agropecuarias y Ambientales decano; María Esmeralda Brítez Miranda, Escuela de Postgrado moakãhára; Robert Armoa, Investigación moakãhára, ha ambueve mburuvicha ko Unican pegua.
Ko Uncan niko oĩ avei umi mboʼehaovusu ogueroikéva guarani jepuru meme apytépe, tahaʼe ojehaívo térã oñeñeʼẽnguévo, umi hembiapokueraitápe.
PÑS guive ojeykeko ojejúvo Unidad de Asuntos Lingüísticos peguakuérape ha upéicha ojeguerogata hendivekuéra heta mbaʼe Léi Ñeʼẽnguéra Rehegua oñemoañetepotávo temimoĩmbyha rehe, ha upéicha tove tojehechakuaa mayma tetãyguárape iñeʼẽ derécho.
Compartir esta noticia
Últimas Noticias Publicadas
Poyhu ha jeguerohorýpe , ñe’ẽpykuaaharakuéra ha terekuapavẽ ohechakuaa Hannes Kalisch rembiapo ñande ypykuéra ñe’ẽnguéra mombarete ha iñemyasãime.
Ver más
schedule
Mba’apoharakuéra Paraguái Ñe’ẽnguéra Sãmbyhyhapegua; Sonia Avalos,Matías Medina ha Zeneida Quiñonez,Moakãhapave Ypykuéra Ñe’ẽ Ñeñongatu ha Ñemyasãipegua og̃uahẽ kuri Táva María Elena -Alto Paraguáipe, ikatu hag̃uaicha ojeikuaauka ha oñemboaje…
Ver más
schedule
Ikatu hag̃uaicha marandukuéra Tavaygua'atyha Mbarakajupegua iñe'ẽkõi oñeguenohẽ tembiapoukapyrã he'iva marandukuéra ojejapova'erãha ñane retã ñe'ẽteekuérape.
Ver más
schedule
schedule
Ko pyharevépe omboteraguapy hikuái ñoñe'ẽme'ẽ mba'apo joajurã.Ko ñoñe'ẽme'ẽ oguereko jehupytyrãrõ tembiapo audiovisual rehegua mombareteve,upéicha avei arandupy cinematografía Paraguáigua jekuaauka,ha temimoĩmbykuera ñane retãmegua ha ndaha'éiva…
Ver más
schedule
Guarani ojepuruva’erã opavave tendápe ha ojehecha’aguĩveva’erã temimoĩmbykuérape,ndaha’éi ayvupe añonte,jehaípe avei. Ko ñe’ẽmbyrãgui oñe’ẽ Arnaldo Casco Villalba, Pyruhára Ñe’ẽrapereka Motenondehápegua, temimbo’ekuéra Mbo’ehao Aula Viva…
Ver más