Ko árape, 11 jasypoapy, 2022 arýpe, ojapo 11 ary heñói ypyhague Paraguái Ñeʼẽnguéra Sãmbyhyha (PÑS). Kóva okoʼẽrechavaʼekue oñemoĩrõguare isãmbyhyhára tenonderãiteguápe, Carlos Villagra Marsal, Apoukapy ipapapýva 7099 rupive, upe 11, jasypoapýpe, 2011 arýramo, ha upéicha haʼe oisãmbyhy ñepyrũ ko tetã remimoĩmby ha oñemba’apo Paraguái ñe’ẽnguéra rehe.
PÑS heñói Léi 4251/10, Ñeʼẽnguéra Rehegua rupive, omoañetévo ko léipe heʼíva, ojehechakuaágui ñane retã ñe’ẽita, iñe’ẽ teekõi (guarani ha castellano); avei, oñemopyenda mbarete jeývo guarani ñe’ẽ opárupi; oñehaʼãvo avei ombojerovia mayma tapicha ñe’ẽ derécho, koʼýte umi saʼive ojepurúva térã ojeʼapoʼivéva.
Jepémo ndaʼipukúi gueteri hapykuere, ko temimoĩmby hetáma ojapo hembiapo teéva, ñamaʼẽ ramo opa mba’e oñemonguʼéva guarani jepurumemerã rehe, ñe’ẽ teeháicha, ijegueroike tembipurupyahukuérape; tembiapoita oñemonguʼéva opyrũ hatã jey hag̃ua, ha anivéma hag̃ua ojehechag̃i, ha ambueve.
Upéichante avei, PÑS omoañete heta apopyrã ypykuéra ñe’ẽ ñeñongatu, ñemombaretejey ha ñemoasãi rehegua, koʼýte umi oguepotáva. Avei, heta mba’e ojejapo umi ikatupyry ambuéva ñe’ẽ derécho rehehápe. Ko temimoĩmby omohuʼã avei ñe’ẽ rapereka, koʼýte guarani rehegua, ha péva castellano ñe’ẽ ndive rehegua.
Opa ko’ã mba’e ogueroguata PÑS omboykeʼỹ rehe hogapypeguakuéra tembiapo, imbarete hag̃ua avei péicha ko temimoĩmby, kuatia ñemonguʼépe, viru jepurúpe, ha oguatávo opaite léi ári ombohapéva tembiapo hekópe, tesakãme, ha ambueve mba’e porã.
PÑS sãmbyhyhára, Ladislaa Alcaraz de Silvero, ñesãmbyhýpe, ko tetã remimoĩmby péina hiʼarambotýva, oguata mbareteve koʼẽ rei rehe ombaʼapóvo opaite ñe’ẽnguéra rehe, ha oñembojerovia hag̃ua opaite ñe’ẽ derécho ojeguerekóva.
Ko ára guasuetépe, PÑS oaguyjemeʼẽ añete opaite imbaʼapohárape, mayma ipytyvõhára oka peguápe, temimoĩmby tetãmegua ha ipypeguaʼỹvape, pyragua remimoĩmbykuérape, momaranduhakuérape, ha ambueve, akóinte peykeko rehe PÑS rembiapo. Upéichante avei, omombaʼe guasu opa umi hetaite oñorairõvaʼekue hekovépe, koʼýte guarani ñe’ẽ rehe, ha péina koʼág̃a rupi ojehechakuaa rehe tuichaite mbaʼeha hembiapokuerakue ñe’ẽnguéra rehehápe.
Compartir esta noticia
Últimas Noticias Publicadas
schedule
Paraguái Ñe’ẽnguéra Sãmbyhyha oikuaauka ko ára guive oĩha Sãmbyhyhára ramo haihára Alfredo Javier Viveros Martínez. Ko ñemoguahẽ ypy oiko kuri Salón Auditorio Secretaría Nacional de Deportes-pe, oñemboajehápe Tembiapoukapy Ppy 583/2023 Tetã…
Ver más
schedule
Oñemohendávo “Unidades de Asuntos Lingüísticos” Tavao ha Tavusuokuéra ryepýpe oñemboajeháicha tembiapoukapy 6797/17,ojegueroguataporã kuri Ñomoirũ aporeko ha ñe’ẽpykuaa Tavaokuéra Villeta,Luque ha Guarambarépe.
Ver más
schedule
Ñe’ẽnguéra Rape’apo Moakãhapavẽ Paraguái Ñe’ẽnguéra Sãmbyhyha pegua,Instituto Superior de Lenguas UNA ha Ministerio de Salud Publica ha Bienestar Social omohu’ã ko árape Mbo’epy guarani ñe’ẽ rehegua.Ko tembiapo og̃uahẽ 500 mba’apohárape, umíva…
Ver más
schedule
Ypykuéra Ñe’ẽ Ñeñongatu ha Ñemyasãi Myakãha Paraguái Ñe’ẽnguéra Sãmbyhyhapegua kuaaharakuéra, iñe’ẽrysýi hikuái Amandaje Guasu Ñe’ẽporãhaipyre reheguápe.Myakãhára Rossanna Bogado de Orue ha Sonia Avalos, Ypykuéra Ñe’ẽ oguepotáva Ñemoingove ha…
Ver más
schedule
Paraguái Ñe’ẽnguéra Sãmbyhyha (PÑS) oikuave’ẽ reiete mayma omoñe’ẽsemívape mbohapy aranduka tembipurupyahu rupive, ñe’ẽrapereka rehegua oñemohu’ãmava’ekuke Ñe’ẽ Rapereka Moakãhapavẽ, PÑS pegua, guive. Ko’ã aranduka ojejuhúta ojeikéramo ko’ápe:…
Ver más
schedule
Aty ojejapova'ekue pyendavusu Zoom rupive Paraguái Ñe'ẽnguéra Sãmbyhyhára Ladislaa Alcaraz de Silvero, Moakãharakuéra ha mba'apohára Paraguái Ñe'ẽnguéra Sãmbyhyha ha Centro Nacional de Computación UNA-pegua apoharakatukuéra ndive oikuaauka hag̃ua…
Ver más