Logotipo.png
PÑS sãmbyhyhára omoirũ tetãita aty ypykuéra ñe’ẽ rehehápe
Publicado: 04/11/22 10:26:a. m.

Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero, omoirũ ko arakõime Consejo Intergubernamental (CIG) Iniciativa Instituto Iberoamericano de Lenguas Indígenas (IIALI) Aty Mbohapyha; tembipurupyahu rupive ijaty heta tetãmegua mburuvicha ko Amérika peguápe.

Ko atýpe, opa umi mburuvicha oĩva oikuaave ha omoneĩ Propuesta del Capítulo sobre el Consejo Consultivo de Pueblos Indígenas IIALI pegua. Oñe’ẽ avei hikuái IIALI viru rehe.

Avei, umi omoirũva’ekue ko aty ohesa’ỹijo ko IIALI Plan Estratégico ha Plan Operativo Anual 2022 pegua, ha avei, ohesa’ỹijo hikuái ko Instituto Iberoamericano de Lenguas Indígenas logo-rã.

PÑS sãmbyhyhára, Ladislaa Alcaraz de Silvero, oĩ Paraguái rérape ko Iniciativa Instituto Iberoamericano de Lenguas Indígenas (IIALI) ryepýpe.

Ko IIALI heñoiva’ekue XXVII Cumbre Iberoamericana-hápe, Tetãnguéra mburuvichavetekuéra rupive, oikóva Andorra-pe, 2022 arýpe, ha heñói oñemombarete ha oñeñongatu ha oñemoakãrapu’ã hag̃ua ypykuéra ñe’ẽita oikovéva América Latina ha el Caribe yvýpe.


Compartir esta noticia

Últimas Noticias Publicadas