Logotipo.png
PÑS sãmbyhyhára omombe’u ojejapóva ojejúvo ypykuéra ñe’ẽita rehehápe
Publicado: 03/21/22 08:56:a. m.

Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero, omoirũ tembipurupyahu rupive Consejo Nacional de Educación Indígena jojuhu; upépe omog̃uahẽ heta marandu ypykuéra ñe’ẽita rehegua ha opa umi ojejapóva ojejúvo PÑS ñesãmbyhýpe ojeykekóvo ko’ã ñe’ẽ.

Ko’ãva ryepýpe, sãmbyhyhára oñe’ẽ Apoukapy Ipapapýva 5377/21 rehe, ohechakuaáva ñane retãme opaite ypykuéra ñe’ẽ ha ñe’ẽ aty, kuatia oñembosako’i oñemba’apo ñepyrũva’ekue Comisión Nacional del Año Internacional de las Lenguas Indígenas (CNAILI 2019) guive.

Ko apoukapy ohechakuaa opaite ypykuéra aty ñe’ẽ tee oikovéva Paraguáipe ha ko’ãva oikeha ñe’ẽ atýpe; avei, he’i opatia ko’ã ypykuéra ñe’ẽ ha’eha ñane retã patrimonio cultural, he’ihaichavoi avei ñande Léi Guasúpe.

Sãmbyhyhára omombe’u avei mba’eichaitépa oguatahína Congreso Nacional-pe leirã oguerojerátava “Comisión Nacional para el Fortalecimiento, la Promoción y la Valorización de las Lenguas Indígenas en el Paraguay” ko’ag̃aitéramo oñemoneĩ ha ojehechaporãmava dictamen rupive.

Omombe’u avei opa umi ojejapóva ojejúvo 2020 ary guive, ojegueroguatáva Protocolo de Refrendo ryepýpe, tembipuru ypykuéra aty mba’éva ha oipytyvõkuaátava chupekuéra iñe’ẽnguéra rehe omba’apóvo, tembiapo ojeykeko kyre’ỹva’erãva umi dirección de área guive, ypykuéra rekombo’e guive, ijatykueraha rehe, ñane retãpýre.

Oikuaauka avei PÑS guive oñesãmbyhýva tembiapo ypykuéra ñe’ẽita rehehápe ha ojepysóva avei tetã ambue rehe, umíva apytépe omombe’u heñoimahague Instituto Iberoamericano de Lenguas Indígenas, Paraguái ha PÑS oykeko kyre’ỹva’ekue; ha Decenio Internacional de las Lenguas Indígenas 2022-2032, mba’e guasuete omongu’e kyre’ỹva avei PÑSpe.


Compartir esta noticia

Últimas Noticias Publicadas