Logotipo.png
PÑS sãmbyhyhára oñe’ẽ Foro Permanente para Cuestiones Indígenas ONU peguápe
Publicado: 04/27/21 10:32:a. m.

Paraguái Ñe’ẽnguéra Sãbmyhyhára (PÑS), Ladislaa Alcaraz de Silvero, Paraguái rérape, oñe’ẽ ko araapýpe 20° Período de Sesiones del Foro Permanente para las Cuestiones Indígenas, Organización de las Naciones Unidas (ONU) peguápe. Ko aty oiko tembipurupyahu rupive ha oñemyakã Nueva York, Estados Unidos, guive.

Ladislaa oĩ aty oñehesa’ỹijohaguépe irundyhaguáva, hérava “Debate sobre los 6 ámbitos del mandato del Foro Permanente (desarrollo económico y social, cultural, medio ambiente, educación, salud y derechos humanos), en relación con la Declaración de las Naciones Unidas sobre los Derechos de los Pueblos Indígenas”.

Oñepyrũvo he’i Paraguái ojekuaaha iñe’ẽ ha iñarandupy retaháramo ha oguerekoha mokõi ñe’ẽ tee, mokõive ñe’ẽ ojepuruvéva, ha’éva: guarani ha castellano. Ko’ãva ndive oikove añete avei 19 ypykuéra ñe’ẽ, ojepuru meméva hekoha rehekuéra, ha ojeporavóva avei chupekuéra ñane retã arandupy reheguaitéramo.

“El Estado paraguayo asume la responsabilidad en la promoción, la preservación y el uso de las lenguas, brindando apoyo a los pueblos indígenas mediante la implementación de proyectos para el registro, la documentación y de sus lenguas y acompañando las iniciativas de revitalización lingüística, especialmente de aquellas que se encuentran en serio riesgo de extinción”, he’i sãmbyhyhára.

He’i avei tesãirã, tekombo’erã ha tekojojarã oñemohendapaha jahechápa umi ypykuéra ndohupytýi ko’ã mba’e iñe’ẽ teepekuéra ha ojejesarekóvo avei hembijeroviakuérare. “Los consejos de salud indígena, de educación escolar indígena y la formación de los facilitadores judiciales son algunos avances significativos en materia de derechos humanos y atención de los derechos lingüísticos”, omombe’u Ladislaa.

Sãmbyhyhára he’i ñe’ẽ teépe ñemomarandu opa umi tavapegua momaranduha rupive mba’e guasu ojehupytyva’ekue oñemoherakuã hag̃ua umi ypykuéra ñe’ẽ ha iñarandupy. “En un esfuerzo sinérgico entre instituciones estatales, pueblos indígenas y organizaciones civiles comprometidas con el sector, se concretan programas de formación de los comunicadores de algunas comunidades”, he’i.

“Existe un paulatino avance en los procesos de información sobre los derechos de pueblos indígenas en la sociedad no indígena y envolvente”, he’i ipahávo PÑS sãmbyhyhára.

Ko Foro Permanente para las Cuestiones Indígenas, Organización de las Naciones Unidas (ONU) pegua, niko omoirũ ha oykekóva ko tetã aty guasúpe opa umi mba’e ypykuéra reheguápe.


Compartir esta noticia

Últimas Noticias Publicadas