Logotipo.png
PÑS sãmbyhyhára oñombyaty Facultad Politécnica moakãhára ndive
Publicado: 04/01/22 08:58:a. m.

Ko arapoteĩme oñombyaty Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero, ha mbo’ehaovusu Facultad Politécnica, Universidad Nacional de Asunción pegua, moakãhára, Silvia Teresa Leiva León ndive. He’i ojupe hikuái omba’aposeveha ohóvo oñondive.

Upéva apytépe, oñomongeta hikuái ikatuha ojejapo peteĩ mba’e, tembipurupyahukuéra rupive, oñeñongatu ha oñemoasãi hag̃ua umi 19 ypykuéra oikovéva Pasraguáipe ñe’ẽ ha iñarandupykuéra, ojeguatávo avei Paraguái rérape ko Ypykuéra Ñe’ẽita Pa Ary Yvy Ape Ári 2022-2032 ári.

Mokõivéva mburuvicha he’i avei ojupe PÑS ha FP-UNA ombojoajutaha ñoñe’ẽme’ẽ ñemboheraguapy ogueroguatavévo hikuái joajúpe heta mba’e porã hembiapoteekuéra apytépe oĩva.

PÑS rérape, omoirũ sãmbyhyhárape Ypykuéra Ñe’ẽ Ñeñongatu ha Ñemoasãi moakãharapavẽ, Rossana Bogado de Orué, ha Departamento de Comunicación Institucional moakãhára, Arnaldo Casco. Mbo’ehaovusu rérape katu, omoirũ avei ko aty Alejandro Duarte, Administración y Finanzas moakãhára, ha Nelly Calderón, Gabinete moakãhára.


Compartir esta noticia

Últimas Noticias Publicadas