Logotipo.png
PÑS sãmbyhyhára: “Tekombo’e hekopete rehe ñañe’ẽramo, jahechakuaámanteva’erã temimbo’ekuéra ñe’ẽ”
Publicado: 11/02/21 07:11:a. m.

Mba’eguasu oñemongu’éva, hérava Transformación Educativa 2030 ha Enforque de Derecho, ryepýpe, ko arakõime, Paraguái Ñe’enguéra Sãmbyhyhára (PÑS), Ladislaa Alcaraz de Silvero, oñe’ẽ mba’éichapa tuicha mba’e ojehechakuaa mitã ha mitãrusu ñe’ẽ derécho rehe ojegueroguatávo hekopete tekombo’e hendivekuéra.

Upéicha, omombe’u umi derécho ñe’ẽ rehegua oguerekóva mitã ha mitãrusu ñane retãme tekombo’e ryepýpe. Chupekuéra oñembo’eva’erã iñe’ẽ ypy teépe ha avei iderécho oñembo’évo chupe ambue ñe’ẽ. Ohechakuaa avei derécho ñe’ẽ rehegua oguerekóva umi ambue ñande rapicha aty ha tekotevẽha oñeñangarako hesekuéra iñe’ẽme.

Ipahávo, ombohysýi umi mba’e ikatu ha hi’ãva ojejapo oñehekombo’évo ha oñeñangarekóvo ñe’ẽ ypy rehe, ojeikuaágui hetaichagua ñe’ẽ, térã ñe’ẽnguéra, ypy ikatu ha oĩ. “Tekombo’e hekopete rehe ñañe’ẽramo, jahechakuaámanteva’erã temimbo’ekuéra ñe’ẽ”, he’i paha sãmbyhyhára.

Ko aty, oikóvakuri Gran Hotel del Paraguay-pe ha oĩhaguépe avei heta ambue motenondehára ha sãmbyhyhára, oguereko jehupytyrãvo tove tojehechakuaa mba’e jesarekorã umi mburuvicha térã tapicha arandu rupive oñembojeroviapotávo ñane retãyguára derécho, ha ikatútava oykeko oguata porãve hag̃ua tekombo’e.

Paraguái Rekuái ohetejorahína Plan Nacional de Transformación Educativa 2030 (PNTE 2030) ha avei Hoja de Ruta 2030 peve jejapo, ombohapeséva mba’éichaitépa ojeguatakuaa ko 10 ary pykukue.

Compartir esta noticia

Últimas Noticias Publicadas