Logotipo.png
​Sãmbyhyhára oho Maxdonia Fernández rendápe, oñembojopoiva’ekue español ñe’ẽ ohyvykói rehe
Publicado: 05/05/22 06:31:a. m.

Español ñe’ẽ hyvykoihára katupyry paraguaigua Maxdonia Fernández rendápe oho ko ararundýpe Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero, ha he’i jey chupe ko ñe’ẽ remimoĩmby ohecharamo ha omomba’eguasuha opa mba’e ojapóva español ñe’ẽ rehehápe, upevarevoi oñembojopói rehe chupe upe arapoteĩ ohasava’ekuépe, 29 jasyrundýpe.

Maxdonia Fernández hapykuere puku ha hapykuere porã mbo’eharaháicha ha avei aranduka ojapova’ekue Juan Aguiar ndive hérava “Lengua española – Teoría y práctica”, aranduka oipuruetemíva temimbo’e ha mbo’eharakuéra, ko’ýte mbo’ehaovusuháre.

Upe arapoteĩ ohasava’ekuépe, 29 jasyrundýpe, PÑS ombojopói 22 tapichápe ohyvykói rehe akóite Paraguáipe español ñe’ẽ. Maxdonia Fernández-pe ojehechakuaa avei ko arýpe ha ha’e hasykatúgui ndaikatúikuri oĩ upe atýpe.

Ko aty kueheguarépe, PÑS sãmbyhyhárape omoirũ Ñe’ẽ Rapereka moakãharapavẽ, Celeste Fleitas, ha Rossana Arias, Departamento de Promoción y Protección de la Diversidad Lingüística oisãmbyhýva.



Compartir esta noticia

Últimas Noticias Publicadas