Logotipo.png
​Sãmbyhyhára omoirũ aranduka ñeguenohẽ póncho para’i rehegua
Publicado: 03/08/22 05:21:p. m.

Ko ararundýnpy, 8 jasyapy, Día Nacional del Poncho Para’i de 60 Listas y de las Tejedoras y Tejedores-pe, oñeguenohẽ aranduka hérava “Poncho Para’i de 60 Listas”, aty omoirũva’ekue Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero.

Ko aty, oikova’ekue Paseo de la Memoria, Pirivevúi távape, omoakã Instituto Paraguayo de Artesanía (IPA), ha omoirũ avei heta mburuvicha tetã megua ha ko táva pegua, ha upéichante avei umi ojapóva ko póncho paraguaigua.

Ko aranduka omono’õ opa umi ojehupytýva oñembo’érõguare temimbo’ekuéra Escuela de Salvaguarda del Poncho Para’i de 60 Listas-pe. Tuicha mba’e ko aranduka, ikatúta rehe péicha oñemomba’eve ko póncho apo ha hekove, upéichante avei umi ijapohárape.

Sãmbyhyhárape omoirũ avei PÑS guive Ñe’ẽ Rape’apo moakãharapavẽ, Celia Godoy, ha Ypykuéra Ñe’ẽ Ñeñongatu ha Ñemoasãi moakãharapavẽ, Rossana Bogado.


Compartir esta noticia

Últimas Noticias Publicadas