Logotipo.png
Tetã rembiapokue jeikuaauka umi ypykuérape
Publicado: 11/16/21 09:09:a. m.

Opa umi tetã remimoĩmby omba’apovéva ypykuéra ykére ha hesehapekuéra, ko araapy guive oikuaauka ha ohechauka ypykueraitépe opa umi mba’e omongu’éva hikuái hesehápe ha herapekuéra. Paraguái Ñe’ẽnguéra Sãmbyhyha oĩ avei umi tetã remimoĩmby apytépe omba’apóva ypykuéra ndive ha hesehapekuéra.

Ko aty guasu ñemoñepyrũ, oikóva Casa de Retiro Amaús-pe, Luque távape, omoirũ PÑS sãmbyhyhára, Ladislaa Alcaraz de Silvero; upéichante avei heta ambueve tetã mburuvicha.

Ko aty hérava Jornadas de Rendición de Cuentas a Pueblos Indígenas oike Compromiso 1 del Cuarto Plan de Acción de Gobierno Abierto 2018-2020 ryepýpe. Umi temimoĩmby ombosako’i ha omyakãva ningo: Secretaría Técnica de Planificación del Desarrollo Económico y Social (STP), Consorcio de Codehupy, Diakonia, Tierraviva.

Ypykuéra aty guive omoirũ avei umi imoakãharakuéra ha umi oĩva Articulación Nacional Indígena por una Vida Digna (ANIVID) ryepýpe, ha heta ambueve ypykuéra.

PÑS ohechaukáta ko arapópe, 9:00 aravo ramo, umi hembiapoita ypykuéra ñe’ẽ rehehápe omongu’eva’ekue. Ypykuéra Ñe’ẽ Ñeñongatu ha Ñemoasãi moakãharapavẽ PÑS pegua, Rossana Bogado, ha umi omba’apóva ko moakãhapavẽme, omoirũta ko’ã mbohapyve ára.


Compartir esta noticia

Últimas Noticias Publicadas