Paraguái Ñe’ẽnguéra Sãmbyhyha (PÑS) ombosako’i aty guasu ojekuaauka ñepyrũtahápe Ypykuéra Ñe’ẽita Pa Ary Yvy Ape Ári (Decenio Internacional de las Lenguas Indígenas, DILI 2022-2032), Región Occidental-pe, oikótava ko arapópe, 8 jasyporundýpe, 10:00 aravo guive, Centro de Interpretación Gran Chaco Americano, en el distrito de Filadelfia, departamento de Boquerón (Chaco paraguayo).
Ko aty oykeko Filadelfia Tavao ha Boquerón tuvusu. Omoirũta Paraguái Ñe’ẽnguéra Sãmbyhyhára, Ladislaa Alcaraz de Silvero, ha ambueve tetã mburuvicha ha avei ko tavusu pegua; upéichante avei, oĩta heta ypykuéra.
Ko atýpe, ojehecharamóta ypykuérape, ko’ýte Nivaclé, Ayoreo, Enlhet, Guarani, Guarani Ñandéva, Sanapaná, Manjúi ha Angaité, taha’e hembiapo jeguaka, iñembo’e puraheikuéra térã iñe’ẽ teekuéra rupive. Avei, Rossana Bogado de Orué, Ypykuéra Ñe’ẽ Ñeñongatu ha Ñemoasãi, PÑS pegua, ohesa’ỹijóta kuaapy Ypykuéra Ñe’ẽita Pa Ary Yvy Ape Ári rehegua.
Tetã aty guasu Asamble General de las Naciones Unidas (Apoukapy A/RES/74/135 rupive) he’i pa ary, 2022 guive 2032 peve, ha’eha Ypykuéra Ñe’ẽita Pa Ary Yvy Ape Ári, hi’ãgui ojehechakuaa noĩporãieteha heta ypykuéra ñe’ẽ yvy ape ári ha mba’éichapa ikatu ojeykeko ha oñemba’apo oñemomba’e, oñemoasãi ha oñemombarete jey hag̃ua ko’ã ñe’ẽ.
Ñane retãme, mba’e ojejapokuaáva ko DILI ryepýpe, ojegueroguatáta Comisión Nacional de Fortalecimiento, la Promoción y la Valorización de las Lenguas Indígenas en el Paraguay guive; kóva ryepy guive omba’apóta umi 19 ypykuéra atyguigua, tetã remimoĩmby ha ipypegua’ỹva, ha ambueve aty omba’apóva ypykuéra ha iñe’ẽnguéra rérape.
Ko aty ojekuaauka ñepyrũtahápe DILI Región Occidental-pe, omboheraguapýpa avei ñoñe’ẽme’ẽ PÑS ha Boquerón Tavusu omba’apo joaju hag̃ua.
Compartir esta noticia
Últimas Noticias Publicadas
Poyhu ha jeguerohorýpe , ñe’ẽpykuaaharakuéra ha terekuapavẽ ohechakuaa Hannes Kalisch rembiapo ñande ypykuéra ñe’ẽnguéra mombarete ha iñemyasãime.
Ver más
schedule
Mba’apoharakuéra Paraguái Ñe’ẽnguéra Sãmbyhyhapegua; Sonia Avalos,Matías Medina ha Zeneida Quiñonez,Moakãhapave Ypykuéra Ñe’ẽ Ñeñongatu ha Ñemyasãipegua og̃uahẽ kuri Táva María Elena -Alto Paraguáipe, ikatu hag̃uaicha ojeikuaauka ha oñemboaje…
Ver más
schedule
Ikatu hag̃uaicha marandukuéra Tavaygua'atyha Mbarakajupegua iñe'ẽkõi oñeguenohẽ tembiapoukapyrã he'iva marandukuéra ojejapova'erãha ñane retã ñe'ẽteekuérape.
Ver más
schedule
schedule
Ko pyharevépe omboteraguapy hikuái ñoñe'ẽme'ẽ mba'apo joajurã.Ko ñoñe'ẽme'ẽ oguereko jehupytyrãrõ tembiapo audiovisual rehegua mombareteve,upéicha avei arandupy cinematografía Paraguáigua jekuaauka,ha temimoĩmbykuera ñane retãmegua ha ndaha'éiva…
Ver más
schedule
Guarani ojepuruva’erã opavave tendápe ha ojehecha’aguĩveva’erã temimoĩmbykuérape,ndaha’éi ayvupe añonte,jehaípe avei. Ko ñe’ẽmbyrãgui oñe’ẽ Arnaldo Casco Villalba, Pyruhára Ñe’ẽrapereka Motenondehápegua, temimbo’ekuéra Mbo’ehao Aula Viva…
Ver más