Secretaría de Políticas Lingüísticas (Guaraní)

2 jun. 2016 8:59

SÃMBYHYHÁRA ALCARAZ OHESA’ỸIJO “POLÍTICAS LINGÜÍSTICAS EN LA EDUCACIÓN SUPERIOR”

Paraguái Ñe’ẽnguéra Sãmbyhyhára, Ladislaa Alcaraz de Silvero, ohesa’ỹijo ko arapo pyharevépe “POLÍTICAS LINGÜÍSTICAS EN LA EDUCACIÓN SUPERIOR”, peteĩ aty guasúpe, ogueroguatáva Agencia Nacional de Evaluación y Acreditación de la Educación Superior (ANEAES), taller de Formación de Pares Evaluadores…

1 jun. 2016 4:07

PÑS HA PRESIDENTE HAYES GOBERNACIÓN, JOAJÚPE OMBA’APÓTA YPYKUÉRA ÑE’Ẽ HA ARANDUPY REHE

Oñomongeta rire Pte. Hayes Gobernador, Antonio Saldívar, ha Ypykuéra Ñe’ẽ Ñeñongatu ha Ñemombarete Moakãharapavẽ, Paraguái Ñe’ẽnguéra Sãmbyhyha (PÑS), Nieves Montiel, oñomoñe’ẽpeteĩ hikuái omba’apo joajúvo indígena kuéra ndive oĩ ko tavusúpe. Omoirũ avei ko ñomongeta, Matías Medina, PÑS mba’apohára.

31 may. 2016 11:09

GUARANI ÑE’Ẽ JEPORUMEMERÃ REHE OÑEÑOMONGETA ITAPÚA TAVUSÚPE

Guarani ñe’ẽ jeporumeme tetã remimoĩmby rembiapópe, ombosako’íva Paraguái Ñe’ẽnguéra Sãmbyhyha (PÑS), tavusu Itapúa pe, ombyaty heta tapichápe, heta temimoĩmbýgui ha tavusu tuichakue.

30 may. 2016 11:22

ITAPÚA PE HÁMA OÑEMBA’APÓTA GUARANI JEPORU MEME REKÁVO

Guarani jeporu meme rehe oñamba’apo ñepyrũtama avei Itapúa tavusu guive oñemoañetévo Léi 4251/10 Ñe’ẽnguéra rehegua ha oñembojojávo guarani ha castellano jeporu, Paraguái Estado ñe’ẽteéramo.

30 may. 2016 10:48

PÑS OMOIRŨ “DÍA CONTRA EL MALTRATO Y EL ABUSO INFANTIL”

Paraguái Ñe’ẽnguéra Sãmbyhyha Directora de Gabinete, María Benigna Alvarenga de Sánchez, omoirũ ko arakõime ára guasu “Día nacional contra el maltrato, el abuso sexual y laboral de niños, niñas y adolescente”, Mitã, Mitãkuña ha Mitãrusu Sãmbyhyha ombosako’íva.

28 may. 2016 8:10

ÑAROMANDU’A KO ÁRAPE GUARANI OJEPORAVO HAGUE ÑE’ẼTEE RAMO “GUERRA DEL CHACO” AJA

28 jasypo ramo, 1933 pe, Paraguái Ejército Moakãhára, José Félix Estigarribia oguenohẽ va’ekue kuatia he’ihápe guarani ñe’ẽteeha Guerra del Chaco pe, upéicha ñomongeta guerra hápe ha ijereroguatarã guaranínte ojeporu va’erã ani ambuéva oikumby marandukuéra.

28 may. 2016 5:57

GUARANI JEPORU MEME REHE OÑEMBA’APO TAVUSU CONCEPCIÓN PE

Paraguái Ñe’ẽnguéra Sãmbyhyha (PÑS) ogueroguata ko arapoteĩme taller guarani jeporu memerã tavusu Concepción pe, Estado rérape. PÑS Sãmbyhyhára, Ladislaa Alcaraz de Silvero, omoakã ko taller ha ohesa’ỹijo política lingüística Paraguáipe, Léi Ñe’ẽnguéra rehegua, ha ambueve.

26 may. 2016 12:29

OÑEMBOKUATIA TEMBIAPO JOAJU GUANÁ ÑE’Ẽ RÉRAPE

Lingüista Estados Unidos gua, Shaw Nicholas Gynan omboheraguapy kuatiáre omba’apojoajuseveha ohóvo Paraguái Ñe’ẽnguéra Sãmbyhyha (PÑS) ndive, oñongatu ha omombaretévo Guaná ñe’ẽ, ikangy nungaitéva hína.

26 may. 2016 6:45

“MAITEI RORY OPA 10.000 TAPICHÁMA ORE MOIRŨVAPE FACEBOOK RUPIVE”

Maymáva ore rapicha, tetã Paraguaigua ha tetã ambuegua oremoirũva fan page rupive, 10.000 árima oĩva, peẽme amombe’use ore remiandu: tuichaite vy’a ha py'arory oreañuã rohechakuaávo ko’ẽreíre ñande retaveha, ñamombe’u haguã ojupe jaikuaáva, ñañandúva ha jahechakuaáva ñane ñe’ẽnguéra rekove rehegua.…

26 may. 2016 4:13

SÃMBYHYHÁRA ALCARAZ OMOIRŨ TETÃ ARGENTINA ARAMBOTY

Paraguái Ñe’ẽnguéra Sãmbyhyhára, Ladislaa Alcaraz de Silvero omoirũ ko ararundýpe Argentina retã aramboty, ogueromandu’áva 25 jasypo jave jepi, 1810 guive. Sãmbyhyhára Alcaraz omomaitei Eduardo Zuain pe, Argentina Embajador Paraguáipe.

25 may. 2016 12:14

ARTESANÍA JEHECHAUKA HÓGA PYAHU AREGUÁ TÁVAPE

Ko ararundy pyharevépe, Instituto Paraguayo de Artesanía oikuaauka peteĩ óga pyahu ojejuhutahápe opa artesanía “Turista Róga”, táva Areguápe. Ko aty guasu omoakã Mburuvichavete, Horacio Cartes.

25 may. 2016 11:55

TETÃ ARANDUPY SÃMBYHYHA OKU’ÉMA AVEI GUARANI JEPORU MEMERÃ

Peteĩ atýpe, Paraguái Ñe’ẽnguéra ha Tetã Arandupy Sãmbyhyha ndive, omoakãvavoi PÑS Sãmbyhyhára, Ladislaa Alcaraz de Silvero, oñembohapéma mba’éichapa oikéta guarani jeporu castellano ykére ko Temimoĩmbýpe.

25 may. 2016 11:45

PÑS OMBOHAPE HÍNA MBA’ÉICHAPA OÑEMBA’APÓTA INDÍGENA ÑE’ẼNGUÉRA REHE

Lisguista Estados Unidos gua, Nicholas Gynan ñepytyvõ rupive, Ypykuéra Ñe’ẽ Ñeñongatu ha Ñemombare Moakãhapavẽ mba’apoharakuéra ombohape omba’apo hag̃ua indígena ñe’ẽ ikangyvéva rérape, tove taimbarete ha tojekuaa, ha ani araka’eve omano.

25 may. 2016 9:13

PÑS OMOASÃI PÁGINA WEB RUPIVE LÉI ÑE’ẼNGUÉRA REHEGUA AUDIO PE

Paraguái Ñe’ẽnguéra Sãmbyhyha (PÑS) oguenohẽ maymávape g̃uarã Léi 4251 Ñe’ẽnguéra rehegua audio pe, guarani ha castellano pe. Ko’ã audio ikatu oñehendu ha avei oñemboguejy reiete, ojeikéramo PÑS página web pe: www.spl.gov.py.

23 may. 2016 10:45

PÑS OGUATA LÉI DE TRANSPARENCIA ÁRI HA OMOASÃIMBAITE MARANDU OJERURÉRA

Paraguái Ñe’ẽnguéra Sãmbyhyha (PÑS), oguatávo Lei 5.189 de Transparencia ári, omoasãimbaite marandu ojeruréva, umíva apytépe oĩ: anexo de personal, nómina de funcionarios, gastos asignados, viáticos persibidos, presupuesto 2016, manual de organización y funciones, reglamento interno, ha ambueve.

Marandukuéra