Paraguái Ñe’ẽnguéra Sãmbyhyha omomarandu oñembotypotaitemaha upe arange oñemog̃uahẽ hag̃ua umi artículo científico oñe’ẽva umi ñe’ẽ ñane retãmegua rehe, kóva oñembotýta ág̃a arapoteĩ 25 jasyporundýpe. Ko ñoa’ãguasu AranduPy – Premio a la Mejor Investigación Lingüística del Año, mbohapyháma ojejapóva ojejúvo oikuave’ẽ 10.000.000 upe tembikuaareka ha’evévape g̃uarã ha upe mokõiháme g̃uarã katu G. 5.000.000. Umi bases ha condición ojejuhu https://sl1nk.com/5yuv0bn rendápe.

Ko ñehenói guasu rupive  oñeipepirũ umi tapicha iñarandu ha ikatupyrývape, aveo ohapykuererekávape ñane ñe’ẽita tomog̃uahẽ hembiapokue, umi artículo científico taha’e guarani térã castellano-pe oñe’ẽma guive ñane ñe’ẽnguéra tee rekove rehe, 19 ypykuéra ñe’ẽ, pytagua ñe’ẽ térã lengua de señas rehe.

Ko’ã tembikuaareka oñemog̃uahẽkuaa ñandutirogue dgil@spl.gov.py  rupi añónte ha upéva oñembotýta ág̃a  arapoteĩ 25 jasyporundy jave.

Ko jopói Arandupy rupive PÑS ohechauka ojepytaso mbareteha ñe’ẽ rapereka rehehápe, kóva tuichamba’e rupi ojeikuaa pyahu hag̃ua ñane ñe’ẽ rekove ha upekuévo avei oñemohenda hag̃ua ñe’ẽ renonderã oñeñangarekóvo tetãyguára derécho ñe’ẽ rehegua orekóva.