Paraguái Ñe’ẽnguéra Sãmbyhyha og̃uahẽkuri Frutería Paraguarípe, Tembiapoguasu  «Rohayhu Che Ñe’ẽ. Una semana en lengua guaraní» ryepýpe, pakõiháma oñemboguatáva ojejúvo ojeikuaa hag̃ua mba’épa ko ñemuha ojapo oúvo guarani ñe’ẽ ha ñande rekotee oñemokyre’ỹ ha oñemombarete hag̃ua.

Rossana Arias ha Esmilse Ramírez, mokõivéva Paraguái Ñe’ẽnguéra Sãmbyhyha mba’apoharakuéra oñembyaty Nadia Miranda Garcete ndive,  omba’apóva Marketing-pe ko ñemuha ryepýpe.

Ko tembiapoguasu ryepýpe,  Frutería Paraguarí ojehechakuaákuri ñemureko ryepýpe, upe 25 jasypoapy ramo, Rohayhu che ñe’ẽ ryepýpe, ojepytaso mbarete rehe ñande rekotee ñemombareterã ha oiporu katui rehe guarani ñe’ẽ cartelería-pe, omyasãi guarani purahéi rupive ha oñangareko rehe umi tapicha og̃uahẽvare iñe’ẽtépe.

Ko’ãichagua tembiapo ojehecharamo ohechauka rupi ñane retã rekotee taha’e ñane retãygua ha tetã ambueguápe. Ko’ýte ojehecharamo mba’éichapa ojehechauka umi tembi’u ha mba’ehe’ẽ paraguaigua ha oñembohéra guaraníme, kóva omombareteve ñane ñe’ẽ ha ñane retã rembi’ukuéra.

Ko’ã mba’e rupi ko ñemuha oĩva tape yképe oñemomba’eguasu hembiapo ojeykeko mbarete rupi ohechauka ha omyasãi rupi ñane retã arandupy, upekuévo avei ombohekove mbarete, omyasãi ha omomba’eguasu gauarni ñe’ẽ.