Paraguái Ñe’ẽnguéra Sãmbyhyha mba’apoharakuéra oĩkuri programa Noticias PRO, Omar Bogado omyakãvape, upépe oñeñe’ẽ guarani ha castellano ñe’ẽ jeporumemerã rehe, ñe’ẽita ha tembiapoita oñemboguatátava guarani ñe’ẽ arapokõindýpe rehe.

PÑS rérape oĩkuri karai Alcibiades Brítez, Ñe’ẽnguéra Rape’apo Moakãharapavẽ, kuñakarai Rossana Arias, Ñe’ẽita Ñemyasãi ha Ñangareko Mbohapehára.

Ko ñomongeta aja, oñehesa’ỹijo avei mba’éichapa oĩ ko’ag̃aite ñane ñe’ẽ guarani rekove, mba’éichapa iñambue oúvo ha moõ noõpa ojeiporu. Upéichante avei, PÑS rérape oĩva oikuaauka mba’e mba’épa ojejapo ko temimoĩmby guive oñemokyre’ỹ, oñeñangareko ha oñemombarete hag̃ua Paraguái retã ñe’ẽnguéra, avei tuichamba’eha ñañangarekóramo ñane retã ñe’ẽita rehe ha’erupi arandupy mba’erekopy ha tetã rekotee ñandekuaaukáva tetãháicha.