Ojehapereka Sanapaná Aty ñe’ẽ opytáva Comunidad La Esperanza-pe

Paraguái Ñe’ẽnguéra Sãmbyhyha (PÑS) omba’apókuri Comunidad La Esperanza-pe ohapereka hag̃ua Sanapaná Aty ñe’ẽ ha rekopy. Ko tembikuaareka rupive oñembyatýta opáichagua marandu oikuaaukáva sanapaná payvoma ñe’ẽ jeporu ha imbaretekue opaite hendápe ha opaite mba’erã.

PÑS mba’apoharakuéra ojapo mba’eporandu umi comunidad moakãhára kuimba’e ha kuñávape, omombe’uva’ekue mba’éichapa ojeporu ko ñe’ẽ hekohápe. Ko comunidad opyta Teniente Irala Fernández távape, Presidente Hayes tavasúpe.

Ko’ã marandu osẽva ko tembiakuaarekágui oipytyvõta PÑS-pe oguerojera hag̃ua tembiapoita omombaretéta ha oñongatútava sanapaná payvoma ñe’ẽ, oñeipytyvõvo avei upéicha  Paraguái retã mba’erekopy arandupy ha iñe’ẽnguéra rehegua oñeñangareko katui hag̃ua.

Ko tembiapo oñemboguata ojejúvo PÑS rembiapotee ha Decenio Internacional de las Lenguas Indígenas (2022-2032) ryepýpe, ikatu hag̃uáicha oñemba’apo mbarete taha’e tetãpy ha tetã ambue ndive oñeñangareko ha oñemyasãi hag̃ua ypykuéra ñe’ẽ