Ojehechakuaa ha oñembojopóikuri lengua de señas paraguaya rayhuharakuérape

Paraguái Ñe’ẽnguéra Sãmbyhyha (PÑS) ombosako’íkuri atyguasu San Lorenzo Teatro Municipal-pe ohechakuaa ha ombojopói hag̃ua umi tapicha ha temimoĩmby omba’apo kyre’ỹva lengua de señas paraguaya jehekombo’e ha ñemyasãime.

Ko atýpe oĩkuri mburuvicha ha mba’apoharakuéra heta tetã remimoĩmbypegua ha avei tapicha oúva umi iñe’ẽngúva aty rérape. Ko jehechakuaa aja, ojehecharamo ha oñemomba’eguasu mayma tapicha omokyre’ỹva’ekuépe ojejeroike hag̃ua ko’a tapicha ohendu’ỹva tekoatýpe ha upéicha ani hag̃ua oñemboykeve ichupekuéra.

Ko jehechakuaa rupive, PÑS omoañetejey hembiapo lengua de señas paraguaya rehehápe, kóva ha’érupi tembiporu tuichaitereíva ko’ã tapicha ohendu’ỹva Paraguáipe oñemomarandu avei ojehechakuaa ha oñemoañete hag̃ua iderécho. Ko aty oñembosako’íva ojehechakuaa hag̃ua ojejapo Ley 4251/10 Ñe’ẽnguéra rehegua ha Léi 6530/23 ryepýpe, ko’ã léi oipytyvõ rupi ojeiporu ha oñemyasãi hag̃ua lengua de señas paraguaya, oñemoañete hag̃ua avei upéicha idérecho ñe’ẽ rehegua oguerekóva tapicha ohendu’ỹvaramo.