![Logo de la [Institución Pública]](https://spl.gov.py/wp-content/uploads/2024/01/SPL-PNS-e1705339157649.png)
Lengua de Señas Moakãharapavẽ mba’apoharakuéra, Paraguái Ñe’ẽnguéra Sãmbyhyha ryepýpegua omoirũkuri canal hérava “En Lengua de Señas TV”, Interpreters Teams EAS mba’éva jeikuaauka, kóva ha’ehína peteĩ apopyrã omongu’e ha omokyre’ỹva tapicha ohendu’ỹva térã nohenduporãiva ojeroike ha ija hag̃ua mamo hendápe.
Ikatu hag̃uáicha oñemoañete ko’ã tapicha ohupyty hag̃ua marandu hekopete ha aravoitépe, oipytyvõtava avei mayma aty ohendu’ỹvape, Interpreters Teams EAS oikuaauka canal hyérava “En Lengua de Señas TV”. Ko apopyrã porãite oikuave’ẽ peteĩ programación ijoparáva, ko’ápe oike marandu, tembiporupyahu, tetãpy jehechauka oporogueroikéva ha programa tekombo’e rehegua, ko’ãva oñembohasáta lengua de señas-pe ha ojehechaukáta kóicha:
En Lengua de Señas /Noticias- Arakõi guive arapo peve, 20:00 arave jave
CNN/Lengua de señas internacional – Arapokõi 18:00, aravo jave
En Lengua de Señas/Informe semanal – Arapokõi 19:00, aravo jave
En Lengua de Señas /Tecno-Ararundy – 19:00 aravo jave
En Lengua de Señas/Turismo inclusivo
En Lengua de Señas/Educa – Arapokõi – 17:00 aravo jave
En Lengua de Señas/Yo incluyo (Próximamente)
En Lengua de Señas/Mundo Kids – Arapokõi– 16:00 aravo jave
Ko canal rupive oñeikuave’ẽta umi aty ha tapicha ohendu’ỹvape peteĩ tenda ikatutahápe oñemomarandu ha oikuaave mba’epyahu omokyre’ỹva ichupekuéra, kóicha oñemboguatáta avei tekoaty jeroike.
Ko apopyrã ogueroikéta avei ko grilla oguerekóvape umi programa tembiporupyahu, tetãpy jehechauka ha tekombo’e, upéichante avei oñembohasáta programa mitãme g̃uarã hérava “En Lengua de Señas/Mundo Kids”, oñembohásatava jasypokõi ramo, 16: 00 aravo jave.
