Ojejapókuri mba’eporandu umi Sanapaná atyguápe oñehesa’ỹijo hag̃ua iñe’ẽ rekove ha rekoguata

Paraguái Ñe’ẽnguéra Sãmbyhyha mba’apoharakuéra ojapókuri mba’eporandu umi Sanapaná atyguápe oñehesa’ỹijo mba’éichapa oĩ iñe’ẽ rekove mbaretekue uperire oñemba’apove hag̃ua hesehápe.

Ko tembiapo tuichaitereimba’e oñeikũmby hag̃ua Sanapaná ñe’ẽ ojeiporuháicha ha hekorenonderã opaite hendápe ha opaite mba’erã, taha’e ogapy, mbo’ehao, atyhápe ha ambue tenda ojotopahápe hikuái.

Ko tembikuaareka rupive oñehesa’ỹijo mba’e mba’épa umi tapicha oiporúva ko ñe’e oikotevẽ ha mba’épa ohasa hikuái hekohápe. Ko’ã marandu oñembyatýva oipytyvõta oñembohape hag̃ua tembiapoita oipytyvõtava ko ñe’ẽ oñesãmbyhy porãve hag̃ua ha upéicha hekove resãi hag̃ua aty Sanapaná ryepýpe.