Paraguái Ñe’ẽnguéra Sãmbyhyha oñe’ẽkuri mokõive ñe’ẽ tee jeporumemerã rehe

Paraguái Ñe’ẽnguéra Sãmbyhyhára, karai Javier Viveros, oñe’ẽkuri ñe’ẽrandu oñeimeha ha ojehechaha avei tembiporupyahu rupive oñembohérava «Nañohendu ha ñañe’e guarani rehe», Ñomongeta guaraní ñe’ẽ rehe, Ministerio Público ombosako’íva ha oikova’ekue Centro de Entrenamiento del Ministerio Público (CEMP) rógape. Ko ñembyaty aja, karai sãmbyhyhára omog̃uahẽ peteĩ marandu Paraguái  ñe’ẽnguéra rape’apo rehegua ha mba’e mba’épa oñemboguata ojejúvo mokõive ñe’ẽ tee oikove mbarete hag̃ua ojoykére ha ojeporumememe hag̃ua peteĩchaite.

Ko ñe’ẽarandúpe ojeikuaauka  mba’e tembiaporapépa oñemboguata ojejúvo ko’ã ary ohasaramóvape ikatu hag̃uáicha mokõive ñe’ẽ tee ojeporu katui ojoykerete tetã rembiapópe ha tekoatýpe mayma tetãyguára ojojuhuhápe.