PÑS omoirũ “El Principito” ñe’ẽasa Nivacle ñe’ẽme.

Paraguái  Ñe’ẽnguéra Sãmbyhyhára, karai Javier Viveros ha Ypykuéra Ñe’ẽ Ñeñongatu ha Ñemyasãi Moakãharapavẽ kuñakarai Carmen Bogado de Orué, avei karai Matias Medina, Ypykuéra Ñe’ẽ Ñemyasãi ha Jekuaauka Mbohapehára ohókuri Filadelfia távape oñembyatývo mbo’ehára Mgtr. Mirta Pérez ndive, Nivačle atygua ndive. Ko aty oikókuri mbo’ehao ASCIM Yalve Sanga-peguápe, upépe oñeñe’ẽ mba’éichapa oñemba’apóta oñemoneĩ hag̃ua “El Principito” Nivaclé-pe oñembohasátava, ko aranduka oipytyvõ mbaretéta ko ñe’ẽ ypy rehe oñeñangareko ha ojeporu katui hag̃ua.

Ko tembiapojoaju omotenondéva Paraguái Ñe’ẽnguéra Sãmbyhyha ha ypykuéra aty oheka ko ñe’ẽasa rupive tojehechakuaa ko jehai ypykue oikuaase ha omog̃uasẽva, oñeñangarekóvo avei Nivaclé jepokuaa ha rekopýre.