PÑS sãmbyhyhára oñe’ẽta hemimoĩmby rérape Paraguái Ñe’ẽporãhaipyre Amandaje 5-hápe.

Karai Javier Viveros, Paraguái Ñe’ẽnguéra Sãmbyhyhára oĩta ñe’ẽmyasãiháramo Paraguái Ñe’ẽporãhaipyre Amandaje 5-hápe, oikótava ág̃a 7 ha 8 jasypoapy jave, kotyvusu Ñakurutũme, Facultad de Filosofía, Universidad Nacional del Este-pegua ryepýpe.

Ñe’ẽarandu omog̃uahẽtava karai sãmbyhyhára ára 7 jasypoapýpe, oñembohéra «Háiku ha itaju ku’i ñane ñe’ẽme» ha oñe’ẽta ñe’ẽpoty Japón-gua ñe’ẽpapára rehe, tetãygua omoheñói ñepyrũva’ekue ñane ñe’ẽ guaraníme.

Ambue árape, Mbo’ehaokoty 3-hápe, Universidad Nacional del Este-pegua ryepýpe, magister Viveros oñe’ẽta mba’éichapa oñemba’apo ojejúvo guaraní ñe’ẽ jeporumemerã opaite tenda ojeikoha rupi.

Paraguái Ñe’ẽporãhaipyre Amandaje 5-ha, Universidad Nacional del Este ombosako’íva, ombyatypaitéta umi tapicha ikatupyrýva guive ñe’ẽ, ñe’ẽporãhaipyre ha mokõive ñe’ẽ tee ñemysãime.