Paraguái Ñe’ẽnguéra Sãmbyhyha (PÑS) ha Centro PEN del Paraguay omboheraguapy peteĩ Noñe’ẽme’ẽ mokõive temimoimby omba’apo hag̃ua tembiapojoajúpe ombohapéva ñemysãi, ñemomba’e jey ha tojeiporu meme oñeñe’ẽ ha ojehaívo guaraní ha castellano, upéicha avei oñembyaty ha oñemokyre’ỹ hag̃ua ypykuéra ñe’ẽita.

Ñoñe’ẽme’ẽ oñemboheraguapy despacho ministerial-pe, oĩkuri Centro PEN del Paraguay pegua mburuvicha, María Eugenia Ayala, ha PÑS Sãmbyhyhára, Mgtr. Javier Viveros.

Ñoñe’ẽme’ẽme oñembohape peteĩ mba’apojoaju, ojegueroguata hag̃ua tembiapo rape ha apopyrã mokõivéva oipotáva. Umi ojejapova’erã oñemoneĩva apytépe oĩ mokõivéva rembiaporã arandupy ha ñe’ẽ rehegua, tembiapo ñemboguata peteĩteĩ rembiaporã ryepýpegua ha umi osẽva ojehupytyva’ekuégui ñemombe’u ha ñemyasãi.

Centro PEN del Paraguay, oñemoheñóiva’ekue ary 1943-pe, ombyaty haihára, ñe’ẽpapára, maranduasãikuaahára ha ñe’ẽasahára, hembipotápe ojehai oñemombareteva’erãha ñe’ẽporãhaipyre, ñe’ẽjoja ha arandupy ñembohasa, avei oñangareko haihára rembiapo derécho rehe tetãme.

Ko Ñoñe’ẽme’ẽ Guasu ojepysóta po ary pukukue, ikatu oñembopyahu po ary jey, ha omoneĩta oñemboheraguapy hag̃ua tembiaporãite ñemboguatarã, oñangareko hag̃ua tetã ñe’ẽieta rehe.