Paraguái Ñe’ẽnguéra Sãmbyhyha (PÑS) oike ha omoirũ jeguata hérava “Ruta de la Caña”, ojejapova’ekue arapoteĩ 27 jasypakõi-me, empresa Fortín S.A. oĩva táva Piribebuy, Paraguái Retãme, Tembi’u Ypykue Ñangarekorã Rembiaporã ryepýpe, omboguatáva Secretaría Nacional de Cultura (SNC).

Ko tembiapo omoirũkuri Secretaría Nacional de Cultura (SNC) sãmbyhyhára Adriana Ortiz; Rodney Zorrilla, FONDEC motenondehára; ha ombyaty heta tetã remimoĩmby rerapegua. PÑS rérape ohókuri Saturnina Díaz Molinas, Departamento de Enlaces Internacionales mbohapehára, ha Zeneida Quiñonez, Dirección General de Documentación y Promoción de Lenguas Indígenas-pegua.

“Ruta de la Caña” rembipotápe ohechauka ha omombarete arandu ojoajúva káña paraguái jejapo rehe, hembiasa oñepyrũva’ekue jesuitakuéra arykuérape. Aravo ohasávo, ko arandu oñembohasa ñemoñare, ñemoñare rupi, oiko hag̃ua ichugui peteĩ  Paraguái reko tee tehechaukarã rehegua.

Paraguái Ñe’ẽnguéra Sãmbyhyha omoañete jey iñe’ẽme’ẽ oñeñangareko hag̃ua Paraguái rembikuaa ha mba’erepy arandu rehe, ha omomba’e tembiapo joaju temimoĩmbykuéra apytépe oñangareko hag̃ua arandu Tetã  ypykue rehegua.