Guaraní Ñe’ẽ Ára jeguerohory apytépe, Facultad de Enfermería y Obstetricia Universidad Nacional de Asunción-pegua (FENOB-UNA) tetã mbo’ehaovusuháicha ohechakuaa guaraní ‘de interés institucional y cultural-ramo’.

Ko apoukapy, ipapapýva C.D. N.º 316-00-2025 ha oñeguenohẽva’ekue 25 jasypoapy 2025-pe, ipype he’i guarani oñemomba’étaha hekoitépe mbo’ehaovusu ryepýpe, omombaretévo ijekuaauka ha tojeporu katui tekombo’epy ha arandukuaápe.

Péicha FENOB-UNA ohechauka ojepytasoha ñane retã arandukuaa rehehápe ha guarani ñemombareterã rehe.

Opavave mbo’ehaogua ha maymave tapichakuéra ohechapaitesérõ ko apoukapy oikekuaa código QR rupive ojuhútava mbo’ehaovusu marandúpe térã iñanduti roguépe www.fenob.una.py

Oñeguenohẽ oñemomorãvo Guarani Ñe’ẽ Ára rehe, ohechauka jeývo ñane ñe’ẽ ha’eha ñane arandukuaa rechaukaha ha avei omombaretévo guarani jehekombo’e ha ijeporu ko mbo’ehao rembiapo apytépe.