Paraguái Ñe’ẽnguéra Sãmbyhyha (PÑS) oikuaauka «La biblioteca callejera de la señorita Tokãi», irundyha videolibro osẽva, ogueroikehápe opavavépe ha avei heta ñe’ẽme, omokyre’ỹva oñemoñe’ẽve hag̃ua, tog̃uahẽ arandukuaa ha tojehechakuaa ñe’ẽnguéra imitãmi guive.

Ko aranduka oĩ Lengua de Señas Paraguaya (LSPy) ha castellano-me, añetehápe tove hetave mitãnguéra ha mayma ogaygua tomoñe’ẽ vy’apópe ko’ã tembiasakue ojejapóva oñemombarete hag̃ua oiporúvo iñe’ẽ tee imitãmi guivéma.

Ko’ã tembiapo omotenondéva PÑS omog̃uahẽse jehaipy tekombo’e ha arandukuaa rehegua opaite ñane retãyguakuérape, oñemomba’évo ñe’ẽnguéra ha’éva upe ñande reko tee reheguaite.