Oñemoañetévo Ley N.º 4251/10, Ñe’ẽnguéra rehegua he’íva, Paraguái Ñe’ẽnguéra Sãmbyhyha (PÑS) omoguahẽ Agencia Nacional de Tránsito y Seguridad Vial-pe (ANTSV) hemimoĩmby organigrama oñemoñe’ẽjere rire.

Ko tembiporu osẽ Ñe’ẽnguéra Rapereka Moakãhapavẽ mba’apohára pógui, ojehechaukávo péicha PÑS rembiapo ñe’ẽkõi jeporu rekávo tetã remimoĩmbykuérape oñemongyre’ỹnguévo mokõive Paraguái retã ñe’ẽnguéra tee Estado rembiapópe.

PÑS rérape oĩ kuri Ñe’ẽnguéra Rapereka Moakãharapavẽ Alcibíades Brítez ha hembiapo mboguataharakuéra Georgina González ha Esmilse Ramírez.

Oñembyaty hendivekuéra ANTSV  Pytyvõharakuéra moakãhára Víctor Hugo Rodríguez, DGDP moakãharakuéra Carmen Arguello ha Rubén Escobar, ha imomaranduhára Alejandra Gallegos.

Ko atýpe oñemoguahẽnguévo documento oñembojerepyre, oñeñomongeta mba’éichapa oku’e ohóvo tetã ñe’ẽnguéra tee ñembohape ha oñemyesakã mba’éichapa oñemba’apokuaa pojoajúpe Léi ñe’ẽnguéra rehegua ñemboguatápe.

Ipahápe, mokõive temimomby opyta peteĩ ñe’ẽme 2026 ary aja omboguata hag̃ua opaichagua tembiapo joaju oñemombarete hag̃ua guarani jeporu Estado rembiapópe.