Paraguái Ñe’ẽnguéra Sãmbyhyha moakãharapavẽ aty ha Banco de la Integración de América Latina y el Caribe – CAF mburuvichakuéra oñombyatýkuri ko arapópe oñemongeta hag̃ua ombohapévo tembiapojoaju umi moakãhapavẽ ñe’ẽ rehe omba’apóva ndive.

PÑS rérape oĩkuri  Alcibiades Brítez, Ñe’ẽnguéra Rape’apo Moakãharapavẽ; Arnaldo Casco Villalba, Ñe’ẽnguéra Rapereka Moakãharapavẽ; Rossana Bogado, Ypykuéra Ñe’ẽ Ñeñongatu ha Ñemyasãi Moakãharapavẽ; Celia Godoy, Lengua de Señas Moakãharapavẽ, ha Saturnina Díaz Molinas, Sãmbyhyhára Pytyvõha.

CAF rérape oĩkuri kuñakarai María del Mar Leguizamón, Oficina Paraguáipegua Mburuvicha, ha Iñaki Regueiro de Giacomi, Dirección de Inclusión de Personas con Discapacidad Moakãhára.