​Oñemohu’ã porãiterei guarani jehekombo’e Ministerio de Salud-pe

Upe arapoteĩ ohasava’ekuépe, oñemohu’ã Curso de Guaraní Comunicativo, Tesãi ha Jeikoporãverã Motenondehára (Ministerio de Salud Pública y Bienestar Social, MSPyBS) mba’apoharakuéra ndive. 40 tetã mba’apohára oñembokatupyry guarani ayvu ha ijehaípe, ikatu hag̃uáicha oñangarekoporãve ko’ẽ rei rehe ñane retãyguakuérape.

PÑS omoirũ Guarani Aty Amandaje Peteĩha

Ko arapokõi, 30, ha arateĩ, 31, ko jasypokõime, oikókuri Centro de Interpretación del Gran Chaco Americano-me Guarani Aty Amandaje Peteĩha, Chákope. Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero, omoirũ avei ko aty, heta ambue mburuvicháicha.

Ojejapo ñomongeta guasu Ypykuéra Aty Jasy ryepýpe

Ko Ypykuéra Aty Jasy ryepýpe, oiko ko arapoteĩme ñomongeta guasu hérava “Apoyo al rescate y revalorización de las lenguas indígenas: Experiencia de trabajo con los pueblos Guaná, Manjui y Pãi Tavyterã”, oikóva Biblioteca ha Archivo Central kotýpe, Congreso de la Nación mbaʼévape. Omoakã ko aty Mario Samaja, Naciones Unidas moakãhára Paraguáipe; Silvia Morimoto, Programa de las Naciones Unidas para el Desarrollo moakãhára Paraguáipe, ha Paraguái Ñeʼẽnguéra Sãmbyhyhára, Ladislaa Alcaraz de Silvero. Omoirũ kyre’ỹ avei heta ñande rapicha ypykuérava.