Paraguay Ñe’ẽnguéra Sãmbyhyhára, Mag. Javier Viveros, omog̃uahẽ hembiapoha kotýpe Dr. Domingo Aguilera-pe, ojojuhu ha oñomongeta haguã mba’éichapa oñopytyvõkuaa mokoĩve temimoimby.

Ko aty aja, mokoĩvéva oñe’ẽ hikuái moõ ha mba’eichaitépa Paraguay Ñe’ẽnguéra Sambyhyha ha Fundación Tape Aviru oñoipytyvõkuaa omyasãi ha omongakuaave haguã ñe’enguéra ñane retãmegua.

Oñeñe’ẽ mba’éichapa oñemoheñoikuaa peteĩ Ñe’ẽnguéra Róga virtual, ko apopyrã rupive oñemog̃uahẽse marandu maymavetépe ñe’ẽnguéra rehegua ha tojeikuaaukave opaite ñe’ẽnguéra Paraguay-pe oĩva.

Sãmbyhyharakuéra ohechakuaa tuicha mba’eha ojejapóramo ko’ãichagua tembiaporã ipyahúva omo’ag̃uitáva ñe’ẽ reko maymave tavayguápe, ko’ýte ko’ã ojejapóva tembiporu pyahu rupive, oñemyasãi haguã ñe’ẽnguéra tee ha avei umi ypykuéra ñe’ẽ ñane retãmegua.