Paraguái Ñe’ẽnguéra Sambyhyha (PÑS) omoguahẽ moñe’ẽasa guaraníme Acta XLVI Reunión de la Reunión Especializada de Autoridades Cinematográficas y Audiovisuales del MERCOSUR (RECAM)-pe, ojejapova’ekue Presidencia Pro Tempore del Paraguay jave. Ko tembiapo, oñemboguatava’ekue Instituto Nacional del Audiovisual Paraguayo (INAP) ha   RECAM  ndive, tuichaiterei mba’e oñemombarete haguã ñe’ẽita ha ojegueroikévo péicha opavave ñe’ẽnguéra ha tetãnguéra jereregua ñomoirũ ha opavavépe g̃uarãva.

Moñe’ẽasa ñemog̃uahẽ ojegueroguata oñombyatyhápe karai ministro Paraguái Ñe’ẽnguéra Sãmbyhyha motenondehára, Javier Viveros, ha  Instituto Nacional del Audiovisual Paraguayo(INAP) -pegua  sãmbyhára Cristian Gayoso. Upe aja, ha’ekuéra ohechakuaa iporãha ojeykeko ko’ãichagua tembiapojoaju oñemombareteve rekávo guarani jeporu tetãnguéra ore jereregua ndive.

Upéicha avei, ñombyatýpe oĩ PÑS-pegua Moakãhárapavẽ Ñe’ẽ rape’apo rérape, omotenondéva isãmbyhyhára pavẽ, Alcibiades Brítez, ha hendive umi omba’apóva ko documento  oñemoñe’ẽasa ha ojehechajey hag̃ua.

Documento ñemoñe’ẽasa, ohóva umi ambue versión oñemboajepyréva rehe  castellano ha portugués ñe’ẽme, oipysove ojeike hag̃ua  MERCOSUR-pegua documentación oficial-pe ha omombarete umi temimoĩmby ñoñe’ẽme’ẽ oñomngeta porãve rekávope. Acta ombyaty umi ñe’ẽrã oñemomba’eguasurekovéva,omba’aporãve rekávo Argentina,Brasil, Paraguái ha Uruguái-pegua  avaaty materia de desarrollo cinematográfico y audiovisual jeguerojerápe.

Ko tembiapo rupive, Paraguái Ñe’ẽnguéra Sãmbyhyha omombarete ñoñe’ẽme’ẽ guarani omyasãi ha omombaretevévo tetã ryepýpe ha ambuére, oñeñeandukávo MERCOSUR documetación oficial-pe ha péicha omoirũ ñemba’apojoaju tetãnguéra ore jereregua ndive avaaty ñe’ẽheta jehechakuaápe.