Oñeme’ẽta kuatia omoneĩva mokõi ypykuéra puhoe Chaco-pegua

Ag̃a 21 jasyapy, 09:00 aravo jave, oñeme’ẽta kuatia omoneĩva mokõi ypykuéra puhoe opytáva Boquerón tavusúpe, kóicha oñemombarete hag̃ua maranduasãi ypykuéra atýpe. Ko apopyrã oñemoañete Paraguái Ñe’ẽnguéra Sãmbyhyha ha Comisión Nacional de Telecomunicaciones (CONATEL) ñepytyvõme.

Mokõive puhoe oñemomba’apo ñepyrũva ha’ehína:
– FM Dos Coco La Armonía comunidad-ygua, Enlhet Norte aty rehegua.
– FM RCCA Puhoe Campo Alegre, oĩva Nivaclé rekohápe, Campo Alegre-pegua.

Mokõive emisora oheka taimbarete hekoteekuéra ha maymave ypykuéra tohupyty marandu hekohápe. Ko apopyrã porãite ojeikuaauka ñepyrũta Teniente Irala Fernández tavao kotyvusúpe.

Ko’ã puhoe ñemopyenda oipytyvõ mbaretéta oñemyasãi hag̃ua marandukuéra ypykuéra ñe’ẽme ha omoañete derécho ojeguerekóva marandu jehupytyrã ko tetãvorépe.