Tercer Informe Presidencial ojeikuaaukava’ekuépe, Paraguay mburuvichavete omomba’eguasu mokoĩ Paraguay Ñe’ẽnguéra Sãmbyhyha rembiapokue, ombohapéva tekoatýpe ojegueroike haguã maymavetépe, marandu ñemog̃uahẽ opavavépe ha omombarete rupi opaichagua arandukuaa ha avei ñe’ẽguéra tetãmegua.

📚  Videolibro-kuéra ojejapóva Lengua de Señas Paraguaya-pe (LSPy)

Ojeguerohory ojejapo rehe ko’ã 5 videolibro oĩva Lengua de Señas Paraguaya-pe, ikatúva ojehecha Youtube-pe, ipype jajuhu jehaipyre El Principito ha ambue mombe’upy tekombo’erã mitãme g̃uarã.

Ko’ã tembiapo rupive oñeipytyvõ 70.000 tapichakuéra ohendu’ỹvape, ha avei oñemog̃uahẽ opavave tetãygua oikotevẽvape ko’ã audiolibro lengua de señas-pe, audio ha subtítulo reheve, ha péicha toñemoañete ypykuéra rekotee.

🎬  PAACI: audiovisual tekombo’epy arandupyetápe g̃uarã

Oñemomba’eguasu Proyecto de Acceso al Audiovisual de Comunidades Indígenas (PAACI), ombokatupyrýva mitãrusukuéra pueblo Angaité, Guaraní, Manjui ha Nivaclé ojapo haguã audiovisual omyasãi ha oikuaaukave haguã iñe’ẽ ha iñarandukuaakuéra.

Ko apopyrã ojehecharamo ha oñeme’ẽ jopói Educación Intercultural y Plurilingüismo Bartomeu Melià 2025, ome’ẽva Organización de Estados Iberoamericanos Organización de Estados Iberoamericanos.

🌎 Gobierno Nacional ko’ã tembiapo rupive ojepytaso políticas públicas opavavetépe g̃uarãva rehe, opáichagua ñe’ẽnguéra rehehápe oñeñangareko ha oñemog̃uahẽ haguã arandukuaa ha mbo’epyrã ko’ã tembiporu audiovisual rupive.